AQSh-tyń Marsty zertteıtin qurylǵysy qyzyl planetadan kóne tushy kóldiń izderin anyqtady. Bul týraly Utro.ru habarlady.
NASA ǵalymdary Geıla kraterinen alynǵan topyraqtyń úlgisin zerttep shyqty. Úlgide kómirtek, sýtek, ottek, azot pen kúkirt sekildi negizgi bıologııalyq elementterdiń izderi tabyldy. Mamandardyń aıtýynsha, Marsta 3,6 mlrd. jyl buryn kól bolǵan jáne onda tiri bakterııalar tirshilik etken. Degenmen, olar ázirge Marsta eshqandaı tirshilik ıesi baıqalmaıtynyn alǵa tartady. «Biz Marsta eshbir kóne tirshiliktiń belgilerin baıqaı almadyq. Alaıda, Geıla kraterinde buryn kól bolǵandyǵy belgili boldy. Sondaı-aq ol kól kezinde mıkrobtardyń tirshilik etýine qolaıly bolǵan kórinedi. Bul Mars zertteýlerin ilgeri jyljytatyn úlken qadam bolyp otyr», – deıdi ǵalymdar.
Budan buryn Marsty zertteýge arnalǵan «Curiosity» qurylǵysynyń arqasynda qyzyl planetadaǵy atmosferanyń negizgi bóligi 4 mlrd. jyl buryn quryp ketkeni belgili boldy. Ǵalymdardyń aıtýynsha, jeńil ızotoptar aýyrlarǵa qaraǵanda atmosferadan ońaı shyǵyp ketedi. «Al Mars atmosferasynda aýyr ızotoptar kóp jınalǵan», – deıdi olar.
Aıdar О́risbaev.
Derekkóz: Utro.ru
