Qala ekonomıkasyn damytýǵa ótken jyly 278,5 mlrd teńge ınvestısııa tartylǵan. Bul ótken jylmen salystyrǵanda 40,56 paıyzǵa artqan.
Memleket basshysynyń tapsyrmasyna sáıkes 2020-2025 jyldar aralyǵynda quny 1,4 trln teńgeni quraıtyn 157 ınvestısııalyq jobalardyń bazasy ázirlengen. Onyń ishinde ótken jyly shetel ınvestorlarynyń qatysýymen 13,1 mlrd teńgege 350 jańa jumys ornymen 5 joba iske asyryldy.
Qalada ınvestısııalyq jobalardy baqylaý men memlekettik baǵdarlamalardy sapaly iske asyrý maqsatynda pılottyq rejımde «Jobalyq basqarý keńsesi» jumys istep keledi.
Sonymen qatar, kásipkerlerge ońtaıly jaǵdaı jasaý úshin «Kásipkerlerge arnalǵan Úkimet» front-ofısi ashylyp, shaǵyn jáne orta bıznes úshin ekinshi deńgeıli banktter tarapynan 35,0 mlrd teńge nesıe berilgen.
