Ǵalymdar jer betindegi eń sýyq mekendi anyqtady. Ol jerdegi aýa temperatýrasy -91,2 gradýsty kórsetken. Bul týraly Utro.ru habarlady.
AQSh-tyń qar men muz derekteri jónindegi ulttyq ortalyǵynyń ǵalymdary jer betindegi eń sýyq mekendi Antarktıdadan tapty. Ol jerdiń aýa temperatýrasyn zertteý kezinde mamandar spýtnık pen ózge de zamanaýı qurylǵylardy qoldanǵan. Jerdiń eń sýyq núktesi 3779 metr bıiktikte ornalasqan eken. Ondaǵy aýa temperatýrasy -91,2 gradýsty kórsetken. Degenmen, ǵalymdar Jerde budan da sýyq mekenniń bolý múmkindigin joqqa shyǵarmaıdy. Sebebi, rekordtyq kórsetkishti quraǵan aýa temperatýrasy muzdyqtyń ústińgi betinen anyqtalǵan. «Keıbir shaǵyn ýchaskelerde aýa temperatýrasy budan da tómen bolýy ábden múmkin», – deıdi zertteý avtorlarynyń biri.
Aıdar О́risbaev.
Derekkóz: Utro.ru
