Baǵa degenniń ózi salystyrmaly nárse ekeni belgili. Kóp nárse baǵany kim bergenine baılanysty. Álem saıasatyndaǵy aýzy dýaly adamdardyń biri – Súleımen Demırel. Qazir jasy 90-ǵa aıaq basqan (1924 jyly týǵan), Túrkııanyń premer-mınıstri qyzmetine 5 ret kelgen, 1993-2000 jyldarda el prezıdenti bolǵan saıasat kókjaly kópti kórgen, kimniń kim ekenin jaqsy biledi. Sol Súleımen Demırel Qazaqstan Respýblıkasynyń Prezıdenti Nursultan Nazarbaev týraly tap osylaı dedi. «Onymen teńesetin eshkim joq» degen sózin keshe, 11 jeltoqsanda «Nazarbaev ortalyǵynyń» kıno-konserttik zalynda tusaýkeseri ótkizilgen «Túrki áleminiń tegeýrindi tulǵasy» fılminde aıtty. S.Demırel Nursultan Nazarbaevtyń qazirgi túrki dúnıesindegi alar orny kezindegi Atatúrik qyzmetindeı bolyp otyrǵanyna basa nazar aýdardy.
Baǵa degenniń ózi salystyrmaly nárse ekeni belgili. Kóp nárse baǵany kim bergenine baılanysty. Álem saıasatyndaǵy aýzy dýaly adamdardyń biri – Súleımen Demırel. Qazir jasy 90-ǵa aıaq basqan (1924 jyly týǵan), Túrkııanyń premer-mınıstri qyzmetine 5 ret kelgen, 1993-2000 jyldarda el prezıdenti bolǵan saıasat kókjaly kópti kórgen, kimniń kim ekenin jaqsy biledi. Sol Súleımen Demırel Qazaqstan Respýblıkasynyń Prezıdenti Nursultan Nazarbaev týraly tap osylaı dedi. «Onymen teńesetin eshkim joq» degen sózin keshe, 11 jeltoqsanda «Nazarbaev ortalyǵynyń» kıno-konserttik zalynda tusaýkeseri ótkizilgen «Túrki áleminiń tegeýrindi tulǵasy» fılminde aıtty. S.Demırel Nursultan Nazarbaevtyń qazirgi túrki dúnıesindegi alar orny kezindegi Atatúrik qyzmetindeı bolyp otyrǵanyna basa nazar aýdardy.
«Qazaqstan Respýblıkasy Prezıdentiniń teleradıokesheni» aksıonerlik qoǵamy jasap shyǵarǵan bul fılm (ıdeıa avtorlary – Mahmut Qasymbekov pen Dáýren Abaev) Elbasymyz Nursultan Nazarbaev tulǵasynyń túrki álemindegi yqpaly men ornyn kórsetýge arnalǵan. Tusaýkeser rásimine Túrkııanyń, Qyrǵyzstan men Ázerbaıjannyń Qazaqstandaǵy elshilikteriniń ókilderi, Qazaqstan Parlamentiniń depýtattary, Túrik Respýblıkasy Úkimeti janyndaǵy Yntymaqtastyq jáne úılestirý agenttiginiń (TIKA) qyzmetkerleri, qoǵam qaıratkerleri qatysty.
Tusaýkeser rásimin kirispe sózben Qazaqstan Respýblıkasy Prezıdenti Keńsesiniń bastyǵy Mahmut Qasymbekov ashty. «Biz – tegimiz bir, túbimiz Kók Túrikke tireletin baýyrlas jurtpyz. Álem tarıhynda aıryqsha iz qaldyryp, adamzat rýhanııatyna baǵa jetpes asyl muralaryn qosqan uly órkenıettiń muragerlerimiz. Bul kúnde óz aldyna birneshe memleket bolsaq ta, túrkilik birligimizdi nyǵaıtýǵa umtylǵan tulǵalarymyz barshylyq», deı kelip, Mahmut Bazarqululy bul fılm túrki dúnıesinde aıryqsha orny bar Qazaq eliniń tegeýrindi basshysy týraly týyndy ekenin qadap aıtty. Nursultan Nazarbaev Qazaqstan táýelsizdiginiń alǵashqy kúnderinen-aq Túrki áleminiń yntymaqtastyǵyna erekshe mán berip, barys-kelisti jeńildetýge, saýda-ekonomıkalyq jáne rýhanı-áleýmettik baılanystardy nyǵaıtýǵa kúsh saldy. Elbasymyzdyń túrki yntymaqtastyǵyn tereńdetýdegi eńbegin túrkitildes elderdiń búgingi jáne burynǵy memleket basshylary, qoǵam qaıratkerleri joǵary baǵalap otyr. Fılm osyny kórsetedi.
Mahmut Qasymbekov derekti lentany túsirýge Túrik yntymaqtastyq jáne úılestirý agenttigi úlken qoldaý kórsetkenin atap kórsetip, agenttiktiń tóraǵa orynbasary Mehmet Súreıa Er myrzaǵa razylyǵyn bildirdi, qonaqqa Elbasynyń qoltańbasy jazylǵan «Qazaqstan joly» kitabynyń aǵylshyn tilindegi nusqasyn kádesyı tartý etti. Mehmet Súreıa Er óz sózinde Nursultan Nazarbaevtyń túrki áleminiń tutastyǵy jolynda shyn máninde asa iri de ıgi is atqaryp otyrǵanyn, Elbasynyń jetekshiligimen Qazaq eliniń táýelsizdik tarıhynda tamasha tabystarǵa jetkenine baýyrlas, aǵaıyndas halyqtar qýanyshty ekenin aıtty. Memleket jáne qoǵam qaıratkeri Myrzataı Joldasbekov derekti fılmdi jasaýshylarǵa el mereıin asyratyn týyndy úshin alǵysyn bildirdi.
Gazetimizdiń búgingi nómirinde «Túrki áleminiń tegeýrindi tulǵasy» derekti fılmi týraly arnaýly maqala jarııalanyp otyrǵandyqtan, bul shaǵyn habarda lentada Tatarstannyń burynǵy prezıdenti Mentemır Shaımıev, Qyrǵyzstan prezıdenti Almazbek Atambaev, Túrkııa prezıdenti Abdolla Gúl, Túrkııanyń burynǵy prezıdenti Súleımen Demırel, eldiń premer-mınıstri Redjep Taıyp Erdoǵan, Ázerbaıjan prezıdenti Ilham Alıev, Túrki keńesiniń bas hatshysy Halıl Akyndjy sııaqty tulǵalar Elbasymyzdyń eren tulǵasy jaıynda óte joǵary pikirler bildirgenin aıtýmen shektelmekpiz.
Fılm búgin keshke «Qazaqstan» jáne «Habar» arnalary arqyly kórsetiledi. Týyndy jaqyn kúnderde Túrkııa, Ázerbaıjan jáne Qyrǵyzstan elderiniń telearnalary arqyly kórermender nazaryna usynylady.
Samat MUSA,
«Egemen Qazaqstan».
