Saıasat • 14 Qańtar, 2021

Depýtattyq mandattar aıqyndaldy

74 ret kórsetildi

Qazaqstan Halyq partııasynyń XVII kezekten tys sezi ótti. Sezd barysynda halyqshyldar Parlament Májilisi men máslıhattar depýtattarynyń saılaýyn qorytyndylap, parlamenttik fraksııanyń ó kilderin tańdady.

Qazaqstan Halyq partııasynyń tóraǵasy Aıqyn Qońyrov saılaýdyń quqyqbuzýshylyqsyz ót­kenin jáne onyń nátıjesin halyq­aralyq qaýymdastyq moıyndaǵanyn jetkizdi.

– Biz laıyqty nátıje kórsettik. Endigi mindet – partııanyń bastamalaryn oıdaǵydaı júzege asyrý, – deıdi partııa tóraǵasy.

Saılaý qorytyndysy týraly osy partııanyń respýblıkalyq saı­laýaldy shtabynyń jetekshisi, Qazaq­stan Halyq partııasy ortalyq komı­tetiniń hatshysy Oljas Syz­dyqov baıandady. Onyń aıtýynsha, elimizde Parlament Májilisi men máslıhat de­pýtattarynyń saılaý kezinde Qazaq­stan Halyq partııasy úgit-nası­hat jumystaryn belsendi júr­gizipti. Partııalyq tizim boıynsha Qazaqstan Halyq partııasynyń atynan Májiliske 113 kandıdat jáne túrli deńgeıdegi máslıhattarǵa 214 kandıdat usynyldy.

– Saılaýǵa qatysa otyryp, Qa­zaq­stan Halyq partııasy zań shyǵarýshy jáne jergilikti bılik organdarynda múmkindiginshe kóp oryn alýdy kózdedi. Bizdiń aldaǵy maqsatymyz – qarapaıym adamdardyń quqyqtary men zańdy múddelerin qorǵaý, – deıdi O.Syzdyqov.

Qazaqstan Halyq partııasy or­ta­lyq komıtetiniń hatshysy par­tııanyń negizgi bastamalary halyq­tyń ómir súrý sapasyn jaqsartýǵa jáne el ekonomıkasyn damytýǵa baǵyttalǵanyn jetkizdi. Osylaısha, partııanyń saılaýaldy baǵdarlamasy qazaqstandyqtardyń tarapynan barynsha qoldaý tapqanyn atap ótti. Degenmen partııanyń saılaýaldy úgit-nasıhat jumystarynyń bary­synda túrli qıyndyqtar da týyn­daǵan kórinedi. Máselen, elimizde mundaı mańyzdy naýqan alǵash ret pandemııa jaǵdaıynda ári shekteý sharalary sheńberinde júrgizilgen bolatyn.

– Biz saılaýaldy tuǵyrnamanyń árbir saılaýshyǵa jetýi úshin bar kú­shimizdi saldyq, – deıdi O.Syz­dyqov.

Osylaısha, Qazaqstan Halyq par­tııasy úgitteýshileri men senimdi ókilderi el aýmaǵynda 500-den astam túrli úgit-nasıhat jumysyn uıym­dastyryp, 1 mln-ǵa jýyq úgit-nası­hat ónimin taratty. Partııa áleý­mettik jelilerde aýqymdy aqparattyq jumysty qolǵa aldy. Naýqan kezinde kóptegen habarlama, sondaı-aq 8 mln ret qaralǵan 200-den astam túrli beınerolık pen beıneótinish jarııalandy. Ol jumystar oń nátıjesin berdi. Parlament Májilisiniń saılaýynda Qazaqstan Halyq partııasy 9,1% daýys jınap, 10 depýtattyq mandatqa ıe boldy.

– Bul bastamasy ǵana! Jarty mıllıonnan astam qazaqstandyq bizge daýys berdi. Endi solardyń senimin aqtaýǵa tıispiz! – deıdi halyqshyldar.

Sezd barysynda depýtattyq mandattar partııalyq tizimdegi kandıdattar arasynda daýys berý arqyly bólindi. Osylaısha, Qazaqstan Halyq partııasynyń atynan Parlament Májilisine kelesi azamattar usynylyp otyr:

  1. Aıqyn Qońyrov
  2. Jambyl Ahmetbekov
  3. Irına Smırnova
  4. Aleksandr Mılıýtın
  5. Sergeı Reshetnıkov
  6. Aıbek Paıaev
  7. Ǵazız Qulahmetov
  8. Erlan Smaılov
  9. Faızolla Kamenov
  10. Aıjan Sqaqova.

О́z kezeginde Májilis depýtaty Irına Smırnova áriptesterin já­ne partııalastaryn jeńispen quttyq­tady. Depýtat Qazaqstannyń ár azamaty naqty ózgeristerdi kútetinin jáne Qazaqstan Halyq partııasy jaǵdaıdy jaqsy jaqqa baǵdarlaı alatynyn jetkizdi.

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar