Respýblıkalyq «Egemen Qazaqstan» gazeti – ár nómirin asyǵa kútip oqıtyn eń súıikti basylymym. Ony alǵash ret qolǵa ustap, sol tusta tórt bet bolyp shyǵatyn gazettiń ár paraǵyn qumarta qarap ótkenime bıyl jarty ǵasyr bolyp qalypty.
Respýblıkalyq «Egemen Qazaqstan» gazeti – ár nómirin asyǵa kútip oqıtyn eń súıikti basylymym. Ony alǵash ret qolǵa ustap, sol tusta tórt bet bolyp shyǵatyn gazettiń ár paraǵyn qumarta qarap ótkenime bıyl jarty ǵasyr bolyp qalypty. Olaı deıtinim, 1963 jylǵy 22 sáýirde burynǵy Kókshetaý oblysynyń Qyzyltý aýdandyq «Qyzyl tý» gazetine ádebı qyzmetker bolyp jumysqa qabyldanǵanym áli esimde. Gazet redaktory kópti kórgen mosqal kisi edi. Aldynda jatqan birneshe gazetti aqtara qarap otyrdy da, onyń kólemi úlken bireýin alyp shyǵyp: «Jýrnalıst bolamyn deseń osy gazetti kóp oqy, sodan úıren», – dedi. Qolyna ustaǵany respýblıkalyq «Sosıalıstik Qazaqstan» gazeti eken.
Sodan bylaı men qatardaǵy oqyrman retinde bul gazetti jaqsy kórip kettim. Táýelsizdik jyldarynda ol «Egemen Qazaqstan» bolyp ózgerdi. Soǵan baılanysty onyń ajary tipti ashylyp, egemen eldiń naǵyz egemen gazetine – eldiktiń eńseli minberine aınaldy. Gazettiń ár nómiri polıgrafııalyq bezendirilýi jaǵynan da, materıaldarynyń san salany tereńdeı ári jan-jaqty qamtyp, másele kóterýi turǵysynan da oqyrmandy ózine tartyp turatynyn erekshe atap ótýimiz kerek. Meniń jeke ózimdi gazettiń birde-bir jarııalanymy beıjaı qaldyrǵan emes. Al ár aıdyń aıaǵyna qaraı arnaıy shyǵarylatyn sársenbilik «Etjeńdi» nómirdiń jóni múlde bólek. Ol nómirdi qyzyǵa qolǵa alyp, bir kúnde qarap taýysa almaı, apta boıy oqyp shyǵamyz.
Gazettiń ár nómirinen, ár jarııalanymynan oqyrman qaýym óz keregin osylaı taýyp, ózine rýhanı azyq alady dep oılaımyn.
Esmuhambet AITMAǴAMBETOV,
baspasóz ardageri.
ALMATY.
