«Egemen Qazaqstan» maǵan nesimen unaıdy? Eń aldymen, bul basylym – eldiktiń jarshysy. Izgi nıetti basylym. Onda tek qana salıqaly, salmaqty dúnıeler jarııalanýymen de qundy. Ásirese, «Etjeńdi» sandaryn asyǵa kútemin.
«Egemen Qazaqstan» maǵan nesimen unaıdy? Eń aldymen, bul basylym – eldiktiń jarshysy. Izgi nıetti basylym. Onda tek qana salıqaly, salmaqty dúnıeler jarııalanýymen de qundy. Ásirese, «Etjeńdi» sandaryn asyǵa kútemin. Ondaǵy mándi de mazmundy maqalalardy bólek jınap qoıamyn. Al on jyldan beri jyl saıyn jeke-jeke jınaq bolyp jarııalanyp kele jatqan kitap nusqasy – atalmysh aıdardyń turaqty oqyrmandary úshin naǵyz syılyq. Meniń ózimde osynaý gazet-kitaptardyń túgel tomy saqtaýly.
Oıymsha, «Álemge áıgili» atty avtorlyq aıdardyń maqalalaryn da osylaı jınaqtap, jarııalaý kerek. Belgili tulǵalar, ataqty qalalar men memleketter týraly maqalalar kim-kimdi de qyzyqtyrary sózsiz. Meniń ózim osy aıdarmen berilgen dúnıelerdi oqyǵan soń «Germanııa kúndeligi», «Polsha saparynan jazbalar» atty saparnamalyq maqalalar jazdym. Ol oblystyq «Mańǵystaý» gazetinde jarııalandy. «Egemendi» turaqty oqyp bastaǵaly túrli taqyrypta ózim jazǵan shyǵarmalarymdy usynǵym keledi. Biraq júreksinemin. Ázirge bul basylymnyń belsendi oqyrmany bolǵanym da jaraıdy.
Keıingi jyldary bul gazettiń ár sanynda Mańǵystaýdyń jańalyqtary ǵana jarııalanyp qoımaı, ózekti máseleleri de jıi jazylatyn boldy. Bizder, jergilikti turǵyndar, aımaǵymyzdaǵy ahýal týraly bas gazette másele kóterilse, onyń mindetti túrde oń nátıjesi bolǵanyn qalaımyz. О́ıtkeni, ony Elbasy, Úkimet músheleri, shendi-shekpendiler túgel oqıdy. «Halyqtyń kózi, qulaǵy, hám tiline» aınalǵan gazetti oqyrman asyǵa kútedi. Zaman talabyna saı jańaryp, jańǵyryp otyrsa degen tilegi de bar. Eldiktiń sózin aıtyp, halyqty uıystyra túsetin bas gazetke jazylý – árbir elge janashyr, jaqsylyqqa jany qushtar aǵaıynnyń paryzy dep bilemin jáne soǵan shaqyramyn.
Baqtybaı JAILAÝ,
Sh. Esenov atyndaǵy Kaspıı memlekettik
tehnologııalar jáne ınjınırıng ýnıversıteti
jastar isi komıtetiniń tóraǵasy.
Aqtaý.
