Reseıdiń Volgodonsk qalasynda 12 jasar mektep oqýshysy Danııl Efremenko órt sóndirýshi robot jasap shyǵardy. Bul týraly Lifenews.ru habarlady.
Jas ónertapqysh robottyń jadyna órttiń qaı jerde ekenin anyqtap, ony óz betimen sóndiretin baǵdarlama engizip qoıǵan. «Meniń aǵam da robot qurastyrýmen aınalysady, – dedi Danııl. – Robotqa baǵdarlama jazýǵa sol kómektesti».
Danııl Efremenkonyń robot qurastyrýmen aınalysyp júrgenine úsh jyl bolǵan. Onyń bul salaǵa qyzyǵýyna aǵasy Ivan sebepker bolǵan kórinedi. Basynda ol Danııldy kómekshi retinde janynda alyp júrip, jumystyń qyr-syryn úıretken.
Jeltoqsan aıynda Danııl Efremenko jarysqa qatysyp, onyń derbes roboty bas júldeni ıelengen. 45 robot qatysqan jarysta Danııldyń qurylǵysy eń jyldam ári aqyldy bolyp shyqqan. Ol 30 sekýndtyń ishinde shyraq janyp turǵan bólmeni izdep taýyp, ony sóndirip úlgergen.
Aıdar О́risbaev.
Derekkóz: Lifenews.ru
