Aımaqtar • 15 Qańtar, 2021

Gúlshara Ábdiqalyqova oblystyq máslıhat sessııasyna qatysty

56 ret kórsetildi

Búgin oblys ákimi Gúlshara Ábdiqalyqovanyń qatysýymen oblystyq máslıhattyń VII shaqyrylymynyń alǵashqy sessııasy ótti. Otyrysty 7 másele qaraldy, dep habarlaıdy Egemen.kz 

Jıynda sóz alǵan aımaq basshysy óńirdiń áleýmettik-ekonomıkalyq damýy máslıhattyń jumysymen tikeleı baılanysty ekenin atap ótti.

- Barshańyzdy saılaý nátıjesimen oblystyq málıhattyń depýtaty bolýlaryńyzben shyn júrekten quttyqtaımyn! Aımaqtyń áleýmettik-ekonomıkalyq damýynda oń tendensııanyń qalyptasýy máslıhattyń jumysymen de tikeleı baılanysty ekenin erekshe atap ótkim keledi. Bıyl elimizde máslıhattar saılaýy alǵash ret partııalyq tizim boıynsha ótkizildi. Bul jańa bastama partııalarǵa elimizdiń saıası júıesindegi ustanymyn nyǵaıtýǵa úlken múmkindikter beredi, - dedi oblys ákimi.

Jalpy saılaý qorytyndylary boıynsha bizdiń oblysta barlyq partııa ókilderi máslıhattarda mandat ıelendi. Naqty aıtsaq, barlyq deńgeıdegi máslıhat depýtattaryna 152 mandat berilse, onyń 126 mandatyn «Nur Otan» partııasy, 15 mandatyn «Aýyl» partııasy, 4 mandatyn Qazaqstan Halyqtyq partııasy, 5 mandatyn «Aq jol» partııasy jáne 2 mandatyn «Adal» partııasy ıelendi.

Oblystyq máslıhattyń jańa depýtattyq quramy VI shaqyrylymnyń 12 depýtaty jáne jańadan saılanǵan 21 depýtatpen jasaqtaldy. Onyń ishinde, 8 áıel, 4 belsendi jas bar. Jańa quramǵa depýtattyq kýálikter tabystaldy.

Kún tártibindegi birinshi másele boıynsha oblystyq máslıhattyń 1-sessııasynyń tóraǵasy bolyp Qylyshbaı Bısenov saılandy.

Sondaı-aq, ashyq daýys berý arqyly oblystyq máslıhat hatshysy qyzmetine Naýryzbaı Baıqadamov saılandy.

Osydan keıin 4 turaqty komıssııa qurý jáne ár komıssııanyń sandyq quramyn belgileý jóninde sheshim qabyldandy. Atap aıtsaq, ekonomıka, qarjy jáne jergilikti basqarý máseleleri jónindegi turaqty komıssııa tóraǵalyǵyna Talǵat Jaqypbaev, áleýmettik jáne mádenı máseleler jónindegi turaqty komıssııa tóraǵalyǵyna  Gúlnár Esqalıeva, óndiris jáne sharýashylyq salalary, qorshaǵan ortany qorǵaý jáne tabıǵı resýrstardy tıimdi paıdalaný jónindegi turaqty komıssııa tóraǵalyǵyna Baǵdáýlet Maqashov jáne kásipkerlikti damytý, jastar isi jáne quqyqtyq máseleler jónindegi turaqty komıssııa tóraǵalyǵyna Maqsut Nálibaev saılandy.

Otyrysta oblystyq máslıhattaǵy «Nur Otan» partııasynyń depýtattyq fraksııasy tirkeldi.  

Sonymen qatar jıynda oblystyq ekonomıka jáne bıýdjettik josparlaý baǵdarlamasy basqarmasynyń basshysy Nurǵalı Qordabaı «2021-2025 jyldarǵa arnalǵan Qyzylorda oblysyn damytý baǵdarlamasyn» tanystyryp, depýtattardyń qoldaýymen bekitildi.

Oblys ákimi jańa baǵdarlamanyń áleýmettik ekonomıkalyq damýyna zor yqpal etetinin atap ótti.

 Baǵdarlamaǵa sáıkes jergilikti mańyzy bar 578,9 shaqyrym jolǵa kúrdeli jáne ortasha jóńdeý jumystary, 12 kópirge kúrdeli jóńdeý jumystary júrgiziletin bolady.

Halyqty turǵyn úımen qamtamasyz etý deńgeıin arttyrý úshin aldaǵy 5 jylda 3 mln 782 myń sharshy metr turǵyn úı, ıaǵnı, shamamen 6458 páter jáne 27 856 jeke turǵyn úı, qurylys salý aýdandarynyń ınjenerlik-kommýnıkasııalyq ınfraqurylymyn damytý jáne jaılastyrý, turǵyn úı qurylysyna jeke ınvestısııalardy tartý jumystary júrgiziledi.

Eske salaıyq, bıylǵy jyly jalpy aýdany 644,7 myń sharshy metrdi quraıtyn, barlyǵy 5 607 páterdi paıdalanýǵa berý josparlanýda.

Munymen qosa, aýyldyq eldi mekenderdi gazben tolyq qamtamasyz etý úshin oblystyń 17 eldi mekenderin gazdandyrý jumystary júrgiziledi. Sonyń ishinde, 2021-2022 jyldary 11 eldi meken gazben qamtamasyz etiledi. Al, agroónerkásiptik keshendi damytý maqsatynda 87 ınvestısııalyq jobany júzege asyrý josparda bar.

Budan bólek, ótken jyly oblystyń 2023 jylǵa deıingi «Ekonomıkalyq kartasy» bekitildi. Ol ekonomıkanyń túrli salalarynda 271 mlrd teńgege 265 jobany iske asyrýdy kózdeıdi.

Sońǵy jańalyqtar

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar