1957 jyly burynǵy Kókshetaý, qazirgi Soltústik Qazaqstan oblysy Aıyrtaý aýdanynyń Dáýqara aýylynda dúnıege kelgen. S. M. Kırov atyndaǵy Qazaq memlekettik ýnıversıtetiniń jýrnalıstıka fakýltetin bitirgen.
Eńbek jolyn 1973 jyly Volodar elevatorynyń jumysshysy bolyp bastaǵan. 1981-1985 jyldary – Soltústik Qazaqstan oblystyq «Lenın týy» gazetiniń tilshisi, Jambyl jáne Presnov aýdandary boıynsha menshikti tilshisi.1985-1990 jyldary – Kókshetaý oblystyq «Kókshetaý pravdasy» gazetiniń Shýche jáne Eńbekshilder aýdandary boıynsha menshikti tilshisi, bólim meńgerýshisi, redaktory orynbasarynyń mindetin atqarýshy. 1992-1997 jyldary – Kókshetaý oblystyq teleradıokompanııasynyń tóraǵasy. 1997-2007 jyldary – Soltústik Qazaqstan oblystyq teleradıokompanııasy tóraǵasynyń birinshi orynbasary, tóraǵasy. 2007-2016 jyldary – Soltústik Qazaqstan oblysy ákimdiginiń «Qyzyljar – Aqparat» jaýapkershiligi shekteýli seriktestiginiń dırektory, bas redaktory. 2016 jylǵy 24 naýryzdan 2021 jylǵa deıin – VI shaqyrylymdaǵy Qazaqstan Respýblıkasy Parlamenti Májilisiniń depýtaty boldy.
Aıta keteıik, Káribaı Imanjanuly 1990-1992 jyldary – respýblıkalyq «Sosıalıstik Qazaqstan» («Egemen Qazaqstan») gazetiniń Kókshetaý oblysy boıynsha menshikti tilshisi bolǵan.
