–Mundaı jetistikke bilim basqarmasynyń, muǵalimderdiń jáne ata-analardyń belsendiliginiń arqasynda qol jetkizip otyrmyz. Elektrondy qujattardy qoldaný jáne jetik meńgerý zaman talaby. Qashyqtan bilim berýde bizdiń ustazdarymyz ózderiniń bilimi men biliktiligin kórsetip qana qoımaı, respýblıkada úzdik ekendigin dáleldedi, - dedi qala ákimi.
Marapattaý rásiminde bilim basqarmasy basshysy Janat Tájıeva qala ákimi Murat Dúısenbekulyna mektepterdi kompıýtermen jabdyqtaýda jáne qaladaǵy mektepter men eldi mekenderdi sapaly ınternetpen qamtýdy jiti mán bergeni úshin raqmetin aıtty.
Kundelik.kz elektrondy jýrnal júıesi 2016 jyldan ózara kelisimshart negizinde memlekettik-jekeshelik seriktestik aıasynda jumys atqaryp keledi. Eldegi indetke baılanysty qashyqtan bilim berýde elektrondy jýrnaldyń mańyzdylyǵy artty. Bıyl alǵash ret 2020-2021 oqý jylynyń birinshi jartyjyldyǵy qorytyndylanyp, elektrondyq jýrnaldyń eń belsendi paıdalanýshylary marapattaldy.
«Kúndelik» avtomattandyrylǵan aqparattyq júıesi Shymkent qalasynyń mektepterindegi resmı qujat bolyp tabylady. Qazirgi tańda bul júıege qaladaǵy 151 mektep qosylǵan. Elektrondy qujatty 20 003 muǵalim sapaly jáne ýaqtyly toltyryp, belsendilik tanytqan.
Aıta ótsek, Shymkentte III toqsandy bitirýshi synypta «kezekshi synyptar» qaǵıdaty boıynsha 9 synypta 16 226 oqýshy, 11 synypta 9 584 oqýshy bilim alýda. Oqýshylar orys tili men ádebıeti, qazaq tili men ádebıeti, Shet tili, algebra, geometrııa, fızıka, hımııa, bıologııa, geografııa, Qazaqstan tarıhy jáne dúnıejúzi tarıhy sabaqtaryna qatysady
