Buǵan deıin bedeýlikten emdeımin dep jurtty aldaǵan áıelge Almaty oblysynyń polısııasy alaıaqtyq jasady degen kúdikpen izdeý salǵan.
Túrksib aýdandyq PB janyndaǵy polısııa bóliminiń bastyǵy Erlan Aıanbaev: "О́zin medısınalyq mekeme qyzmetkeri retinde tanystyryp, gınekologııa salasy boıynsha bedeýlikti emdeýge jáne basqa da túrli medısınalyq kómek kórsetýge ýáde bergen jáne sol úshin qomaqty syıaqy suraǵan. Jábirlenýshilermen Altynaı esimimen tanysqan. Adamdardyń senimine kire biledi. Sondyqtan eshkim aldaıdy dep oılamaǵan. Qazir kúdikti qamaýda. Sotqa deıingi tergeý QK-niń 190-baby "Alaıaqtyq" boıynsha júrgizilip jatyr. Ol budan bólek alaıaqtyq áreketter jasady degen kúdik bar. Sondyqtan bul áıeldi tanyǵan nemese onyń áreketinen zardap shekken azamattardy myna telefon nómiri arqyly habarlasýǵa shaqyramyz: 295-54-61, 8-775-718-35-05 jáne 8-701-758-67-60", dep túıindedi.
