Aımaqtar • 19 Qańtar, 2021

Aqtóbede jemqorlyqpen kúresýshiler 2020 jylǵy jumys qorytyndysyn jarııalady

25 ret kórsetildi

Aqtóbedegi «ANTIKOR ORTALYǴY» servıstik ǵımaratynda oblys boıynsha Sybaılas jemqorlyqqa qarsy qyzmet departamentiniń basshysy Baýyrjan Balǵabekovtyń qatysýymen brıfıng ótkizildi, dep habarlaıdy Egemen.kz

Shara barysynda basshy quqyq qorǵaý organynyń ótken jylǵy jumys qorytyndylary jóninde baıandady. Atalǵan kezeńde Departamentpen 53 qylmys tirkelgen eken, onyń 33-i aýyr qylmystar sanatyna jatady. 28 qylmys qarajatty jymqyrý maqsatynda, 5-ýi laýazymdyq ókilettikterin teris paıdalaný jolymen jáne 18-i paraqorlyq maqsatynda jasalǵan (para alý – 8, para berý - 10).

Jemqorlyq qylmystary úshin memlekettik organdardyń birinshi basshylarynyń ustalýy sırek jaǵdaı emes. Atalǵan tulǵalardyń arasynda Aqtóbe qalasy ákiminiń orynbasary, Aqtóbe qalasynyń TKSh bóliminiń basshysy, «Aqtóbe qalasyn tıimdi damytý ortalyǵy» KMM basshysy laýazymdaryn ıelengen tulǵalar, sondaı-aq birqatar aýdandyq deńgeıdegi jergilikti atqarýshy organdardyń basshylary bar.

Jemqorlyqpen tutylǵan oblystyq deńgeıdegi basshylar da kezdesedi. Olardyń biri retinde jaqynda 7 jylǵa bas bostandyǵynan aıyrylǵan Aqtóbe oblysynyń qurylys basqarmasynyń burynǵy basshysyn ataýǵa bolady.

Memlekettik baǵdarlamalardy júzege asyrý baǵytynda kóptegen qylmystar tirkelgen. Olardyń 6-y «Nátıjeli jumyspen qamtýdy jáne jappaı kásipkerlikti damytý», 5-ýi «О́ńirlerdi damytý», 4-i «Nurly jol», 3-ýi «Bilim men ǵylymdy damytý» jáne 2-ýi «Jumyspen qamtýdyń jol kartasy» baǵdarlamaryna tıesili.

Departamentpen qylmystyq ister boıynsha belgilengen zalal kólemi 240,8 mln. teńgeni qurap otyr, onyń 201 mln. teńgesi búgingi kúni ótelgen.

Departament sybaılas jemqorlyq týraly habarlap, nemquraılylyq tanytpaıtyn azamattardy kótermeleýdi jalǵastyrýda. Bıylǵy jyly jalpy somasy 2 mln. teńge kólemindegi birjolǵy syıaqy 11 adamǵa taǵaıyndalǵan.

«Jedel-tergeý baǵytynda júrgizilip jatqan jumystarymyzǵa qaramastan, jemqorlyqtyń tıimdi aldyn alý men aýqymdy aǵartý isi bizdiń qyzmettegi basym baǵyt bolyp tabylady», - dep atap ótti Baýyrjan Balǵabekov.

«Sybaılas jemqorlyqqa qarsy is-qımyl týraly» Qazaqstan Respýblıkasy  Zańynyń 8 babyna sáıkes Departamentpen sybaılas jemqorlyq táýekelderine syrtqy taldaý júzege asyrylyp keledi.

Eseptik jylda 13 sýbekiniń qyzmetine qatysty 10 taldaý júrgizilgen. Onyń ishinde 5 taldaý tikeleı Departamenttiń bastamasymen júzege asyrylǵan. Júrgizilgen taldaýlardyń qorytyndysy boıynsha 142 sybaılas jemqorlyq táýekeli anyqtalyp, olardy joıý boıynsha 242 usynym engizilgen.

Atalǵan usynymdardyń 142-i uıymdastyrý-basqarý qyzmeti salasyna tıisti bolsa, qalǵan 100-i normatıvtik quqyqtyq aktilerge qatysty.

Barlyq usynymdardyń búgingi kúni 227-si nemese 93,8% oryndalǵan.

Sondaı-aq zańnamamen sybaılas jemqorlyqqa qarsy monıtorıng júrgizý kózdelgen. О́tken kezeńde 13 monıtorıng júrgizilip, olardyń qorytyndysy boıynsha 47 usynym engizilgen.

Sybaılas jemqorlyqqa qarsy monıtorıngtiń qorytyndysy boıynsha jumys nátıjesiniń jarqyn mysaldarynyń biri retinde qamalǵan kólikterdi ýaqytsha saqtaıtyn kommýnaldyq avtoturaqty iske qosý bolyp tabylady.

Búgingi tańda bul qyzmet jeke aınalymnan shyǵarylyp, zańnamada kózdelmegen qundyq-tólemdik kedergiler joıylyp otyr.

Departament turaqty negizde bıýdjet qarajatyn maqsatsyz paıdalaný faktilerine memlekettik satyp alý monıtorıngin júzege asyryp keledi.

Atalǵan baǵyttaǵy jumys qorytyndylary boıynsha 25 memlekettik organ men kvazımemlekettik sektor sýbektilerinde jalpy somasy 437,1 mln. teńgeni quraıtyn taýarlar men kórsetiletin qyzmetterdiń baǵalaryn negizsiz kóterý faktileri anyqtalǵan.

Osy oraıda maqsatsyz ysyrapqa jol berilmeı, atalǵan soma bıýdjetke tolyǵymen qaıtaryldy. Negizinen anyqtalǵan faktiler taýarlar men kórsetiletin qyzmetterdiń satyp alý baǵalaryn kóbeıtý, elimizdegi jaǵdaımen tıym salynǵanyna qaramastan, mádenı-buqaralyq is-sharalar ótkizýdi josparlaýǵa qatysty.

Sybaılas jemqorlyqqa qarsy mádenıetti qalyptastyrý baǵytynda jalpy 375 500 adamdy qamtyǵan 1000-nan astam is-shara ótkizilip otyr. Onyń ishinde 700-den astam is-shara onlaın formatta júzege asyrylǵan.

Eldegi tótenshe jaǵdaı jáne jahandyq pandemııaǵa baılanysty, karantındik shekteýler jaǵdaıynda Agenttikpen «Antikor LIVE» jobasyna bastama jasalyp, atalǵan joba sheńberinde oblysta 233 tikeleı efır ótkizilgen. Spıkerler retinde memlekettik organdar men ózge de qoǵamdyq qurylymdardan 227 sarapshy tartylǵan.

Departamenttiń áleýmettik jelilerdegi resmı paraqshalarynda kún saıyn sybaılas jemqorlyqqa qarsy baǵyttaǵy tikeleı efırler ótkizilip otyr.

Azamattarǵa tegin zań kómegin kórsetý boıynsha «Adal Kómek» jobasy aıasynda 80-nen astam adam zańdyq keńes alǵan, 20 jeke qabyldaý uıymdastyrylyp, 136 myńnan astam adamdy qamtıtyn 330-dan astam tikeleı efır ótkizilgen.

Jobany júzege asyrýdyń oń nátıjeleri de bar.

Zańger, joba volontery Azamat Sagal jol-kólik oqıǵasynan zardap shekken azamatshany, sotta tegin qorǵap, uzaqqa sozylǵan iste jeńiske jetti. Oqıǵanyń qurbany qatty syrqattanǵan qyzynyń densaýlyǵyna keltirilgen zııandy jáne moraldyq zalaldy óteý týraly talap aryzyn úsh jyl boıy qanaǵattandyra almaı, sandalǵan. Kináli adam keltirilgen zalaldy óteýden bas tartqan kórinedi. Birneshe sot prosesinen keıin azamatshanyń talap aryzdardy tolyǵymen qanaǵattandyryldy.

Oblystyq Departamentpen memlekettik organdar qyzmetiniń ashyqtyǵy men jarııalylyǵyn qamtamasyz etýge jáne QR Prezıdentiniń «Halyq únine qulaq asatyn memleket» tujyrymdamasyn iske asyrýǵa erekshe kóńil bólinip keledi.

Búgingi kúni Aqtóbe oblysynyń barlyq aýdan ortalyqtarynda jáne qosymsha 2 aýyldyq okrýgte 17 «Servıstik ákimdik» ashylyp, jumys isteýde. Osylaısha, Aqtóbe óńiri halyqqa qyzmet kórsetýdiń servıstik formatyna kóshý boıynsha jumysty tolyǵymen aıaqtaǵan.

Sonymen qatar barlyq aýyldyq ákimdikterde «ózine-ózi qyzmet kórsetý buryshtary» jumys isteıdi, JAO men OMO túrli mekemelerinde, sonyń ishinde kvazımemlekettik sektorda "OPEN SPACE" formatyndaǵy 88 kabınet jáne 6 «Front ofıs» ashylǵan.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar