Tekserý barysynda kólik polıseıleri Ýkraınanyń 33 jastaǵy azamatyn anyqtady. Er adam ushaqta otyrǵanda elektrondy shylym shegip, ushý qaýipsizdigi erejesin buzǵan.
«Polısııa qyzmetkerleri Ákimshilik quqyqbuzýshylyq kodekstiń 441-baby 1-2-bóligine (Áýe kemesiniń bortynda temeki jáne (nemese) elektron sıgaretin shegý) sáıkes, hattama toltyrdy jáne 50 AEK aıyppul saldy», delingen habarlamada.
2020 jyly elimizdiń kóliktegi polıseıleri áýe kemesindegi túrli quqyqbuzyshylyq úshin 394 adamdy, onyń ishinde 34 sheteldikti ákimshilik jaýapkershilikke tartty. Ákimshilik quqyqbuzyshylyq úshin 93 mıllıon teńgeden asa aıyppul salynǵan.
