Qazaqstan • 19 Qańtar, 2021

Qarýly Kúshterdiń jaýyngerlik daıarlyǵy sanıtarlyq-epıdemıologııalyq ahýalǵa qaraı júrgiziledi

9 ret kórsetildi

Qazaqstan Respýblıkasynyń Qarýly Kúshterinde jaýyngerlik daıarlyq jospary boıynsha bólimshe quramynda is-sharalar jalǵasýda. Onyń bári eldegi sanıtarlyq-epıdemıologııalyq ahýaldy eskere otyryp, barynsha urysy jaǵdaıyna keltirilip júrgizildi, dep habarlaıdy Egemen.kz.

Sonymen qatar, COVID-19 ári qaraı taralaýyn joıý jóninde sharalar qabyldanýda.

Qazirgi ýaqytta elde COVID-19 taralý qarqyny artyp keledi. «Qyzyl» aımaqta Astana, sondaı-aq Aqmola, Atyraý, Qostanaı jáne Pavlodar oblystary ornalasqan. Osyǵan qaramastan, QR Qarýly Kúshterinde syrqattanýdyń ósýi tómendegeni baıqalady.

QR Qorǵanys mınıstri general-leıtenant Nurlan Ermekbaev qorǵanys vedomstvosynda ótken apparat keńesinde Qarýly Kúshterdegi epıdemıologııaǵa qarsy ahýal týraly Bas áskerı-medısınalyq basqarmasynyń aqparatyn  tyńdady.

Sońǵy jeti táýlikte áskerı qyzmetshiler arasynda COVID-19 juqtyrý jaǵdaıy ótken aptaǵa qaraǵanda 16%-ǵa tómendedi.

Qarýly Kúshterdiń eki PTR-zerthanasy bazasynda 800-den astam dıagnostıkalyq zertteýler júrgizildi. Aqtaý men Semeıde taǵy eki jańa medısınalyq zerthana keshenin óristetý boıynsha sharalar qabyldandy, olardy paıdalanýǵa berý úshin qajetti qujattar resimdeledi.

 «Qyzyl» aımaqtaǵy jeke quramnyń keminde 80 paıyzy qashyqtyqtan jumys isteý túrine aýystyrylatyn bolady, buqaralyq is-sharalar men toptyq sabaqtar ótkizýge tyıym salynady.

Kelisimshart qyzmetiniń áskerı qyzmetshileri úshin mamandyq boıynsha oqytý baǵdarlamalary jáne úı jaǵdaıynda oryndaýǵa arnalǵan dene jattyǵýlarynyń kesheni ázirlendi. Karantınnen shyǵý boıynsha áskerı qyzmetshilerdiń dene daıarlyǵy deńgeıin jáne oqý materıalyn meńgerý sapasyn tekserý uıymdastyrylady.

Qorǵanys vedomstvosynyń basshysy Qarýly Kúshter men bólimshelerdiń basshylyǵyna karantın rejımin saqtaý máselelerin erekshe baqylaýda ustaýdy, sondaı-aq taıaýdaǵy toqsan ishinde eldegi epıdemıologııalyq ahýaldyń kúrt shıelenisýine jedel jáne barabar den qoıýdy tapsyrdy.

QR Qorǵanys mınıstrliginde ótken apparattyq keńesinde qysqy jaǵdaılar men koronavırýstyń taralýy jaýyngerlik daıarlyqtyń josparlanǵan is-sharalaryn iske asyrý qajettiligin joımaıtynyn, sonymen qatar, onyń barysyna udaıy túrde nazarǵa alynatynyn atap ótti.

Qazirgi ýaqytta bazalyq áskerı býyn - bólimshelerdi daıarlaý naqty atys mindetterin sheshýmen ártúrli urys túrlerindegi is-qımyldar kezinde ózara is-qımyldyń úılesimdiligin jetildirýge, bólimsheler komandırlerin óz baǵynystylaryn basqarýǵa úıretýge, jeke quramnyń dalalyq daǵdysyn jetildirýge baǵyttalǵan.

Áskerı atys alańdary men oqý-taktıkalyq polıgondarda aǵymdaǵy daıyndyqtyń sońǵy kezeńinde dástúr boıynsha oqytýda paıdalanylatyn qarý-jaraqtyń barlyq túrlerinen jaýyngerlik atys ótedi. Bul rette atystardyń kem degende 30%-yn ótkizý táýliktiń túngi ýaqytynda josparlanǵan.

Qubylmaly áskerı-taktıkalyq jaǵdaılardy eskere otyryp, QR Qorǵanys mınıstri fortıfıkasııalyq qurylystar men ınjenerlik pozısııalardy jabdyqtaý, ushqyshsyz ushý apparattaryna qarsy is-qımyl elementteri boıynsha sabaqtar ótkizý qajettigin atap ótti. Bul rette general-leıtenant N. Ermekbaev barlyq deńgeıdegi komandalyq quramnyń nazaryn jattyǵýlar ótkizý kezinde qaýipsizdik sharalaryn saqtaýǵa aýdardy.

- Dala sabaqtarynda jeke quramnyń sýyqtap qalýy men úsik shalý oqıǵalaryn boldyrmaý jaıly sharalar qabyldaý qajet. Jylyný pýnktterin ashyp, áskerı qyzmetshilerdi jyly kıim-keshekpen jáne ystyq tamaqpen qamtamasyz etý kerek, – dep atap ótti ol.

Sońǵy jańalyqtar

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar