Prezıdent • 19 Qańtar, 2021

Memleket basshysy Asqar Mamındi qabyldady

38 ret kórsetildi

Qasym-Jomart Toqaevqa elimizdegi sanıtarlyq-epıdemııalyq ahýal men áleýmettik-ekonomıkalyq damýdyń ózekti máseleleri týraly baıandaldy.

Asqar Mamın elimizdegi sanıtarlyq-epıdemııalyq ahýaldyń baqylaýda ekenin jetkizdi.

Premer-Mınıstr Prezıdentke koronavıýrsqa qarsy vaksınalar jóninde málimet berdi. Qazirgi ýaqytta otandyq QazCovid-in vaksınasy klınıkalyq synaqtyń III satysynan ótkizilip jatyr. Onyń aldyn ala tıimdiligi 96 paıyzdy quraıdy. «Spýtnık V» vaksınasynyń sapasy attestasııadan ótkizilýde. Sondaı-aq GMP standarty boıynsha vaksına shyǵaratyn bıofarm zaýytynyń qurylysy júrgizilýde.

Asqar Mamın Qasym-Jomart Toqaevqa 26 qańtardaǵy Úkimettiń keńeıtilgen otyrysyna daıyndyq barysy jaıynda aıtty. Memleket basshysynyń tóraǵalyǵymen ótetin jıynda elimizdiń áleýmettik-ekonomıkalyq damý qorytyndylary men aldaǵy kezeńde atqarylatyn mindetter qaralmaq.

Kezdesý barysynda ekonomıkalyq ósimdi qalpyna keltirý, ınvestısııa tartý, halyqty jumyspen qamtýdy qoldaý, áleýmettik mańyzy bar taýarlardyń baǵasyn turaqtandyrý jáne elimizdiń áleýmettik-ekonomıkalyq damýynyń basqa da ózekti máseleleri jónindegi sharalar talqylandy.

Memleket basshysyna turǵyn úı qurylysynyń damý qarqyny týraly málimet berildi. 2020 jyldyń qorytyndysy boıynsha turǵyn úılerdi paıdalanýǵa berý kólemi 16,8 paıyzǵa artyp, 15,3 mıllıon sharshy metrge jetken. Qoljetimdi baspana qurylysynyń kólemin ulǵaıtý, turǵyn úı qurylysy men jalǵa beriletin turǵyn úı naryǵyna jeke ınvestısııalardy tartý máselelerine basa mán berilgen.  

Prezıdenttiń tapsyrmasy boıynsha Úkimet 2020 jyly bıýdjet salasyndaǵy 883 myń qyzmetkerdiń eńbekaqysyn ósirgen. Atap aıtqanda 609 myń pedagogtyń jalaqysy 25 paıyzǵa, 215 myń medısına qyzmetkeriniń eńbekaqysy 30 paıyzǵa deıin, mádenıet, arhıv jáne óner salasyndaǵy 34 myń qyzmetker men áleýmettik qorǵaý salasyndaǵy 25 myń qyzmetkerdiń jalaqysy 50 paıyzǵa deıin kóbeıgen.

Prezıdent bıyl da bıýdjet salasyndaǵy 1 mıllıon 70 myń qyzmetkerdiń eńbekaqysyn, onyń ishinde, 785 myń pedagogtyń jalaqysyn 25 paıyzǵa, 247 myń medısına qyzmetkeriniń eńbekaqysyn 30 paıyzǵa,   áleýmettik qorǵaý salasyndaǵy áleýmettik-medısınalyq mekemelerdiń 38 myń qyzmetkeriniń jalaqysyn 45 paıyzǵa deıin arttyrý jumysyn jalǵastyrý asa mańyzdy mindet dep esepteıdi.

Kezdesý sońynda Memleket basshysy Úkimetke Qazaqstannyń Eýrazııalyq ekonomıkalyq odaqqa bıylǵy tóraǵalyq qyzmetiniń joǵary deńgeıde atqarylýyn qamtamasyz etýdi mindettedi. Bul kópjaqty eýrazııalyq ıntegrasııanyń damýyna tyń serpin beredi.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar