О́ziniń jaza merzimin (16 jylǵa bas bostandyǵynan aıyrý) estigen akýsher-gınekolog Asqar Qaıyrjan aıyptalýshylarǵa arnalǵan kabınanyń áınegin ura bastaǵan. Sodan keıin sýdıa Gúlmıra Dáýletova qaraýyldan ony zaldan alyp ketýdi suraǵan.
Ortalyq dırektory Qýanysh Nysanbaevqa (18 jyl) qatysty shyǵarylǵan sot úkimin estigen onyń áıeli sýdıaǵa dóreki sózder aıtyp aıǵaılaıdy. Osydan keıin sot ony da zaldan shyǵaryp jibergen.
Eske salaıyq, 2019 jyldyń qyrkúıeginde Atyraýdaǵy perınataldyq ortalyqta dárigerler jańa týǵan balany óltirdi degen kúdikke ilingen.
Anyqtalǵandaı, dárigerler bala týǵannan keıin nemquraıdy qarap, óli týdy dep jazǵan. Biraq is júzinde bala tiri bolǵan. Bala tirshilik belgilerin kórsetkennen keıin dárigerler ony jansaqtaý boıynsha shuǵyl sharalar qabyldaýǵa múmkindigi bolǵan, alaıda dárigerler toltyrylyp qoıǵan qujattarǵa sáıkes áreket etýdi oılaıdy. Oqıǵa jańa týǵan náresteniń ólimimen aıaqtalǵan edi.
