Búgin Memleket basshysy Qasym-Jomart Toqaev Úkimet basshysy Asqar Mamındi qabyldady. Kezdesý barysynda ekonomıkalyq ósimdi qalpyna keltirý, ınvestısııa tartý, halyqty jumyspen qamtýdy qoldaý, áleýmettik mańyzy bar taýarlardyń baǵasyn turaqtandyrý jáne elimizdiń áleýmettik-ekonomıkalyq damýynyń basqa da ózekti máseleleri jónindegi sharalar talqylandy.
Budan ózge, basqosýda Asqar Mamın Qasym-Jomart Toqaevqa 26 qańtardaǵy Úkimettiń keńeıtilgen otyrysyna daıyndyq barysy jaıynda aıtty. Memleket basshysynyń tóraǵalyǵymen ótetin jıynda elimizdiń áleýmettik-ekonomıkalyq damý qorytyndylary men aldaǵy kezeńde atqarylatyn mindetter qaralady.
