«Qaırat» fýtbol klýby málim etkenindeı, Sh.Mambemen eki jylǵa kelisimshartqa qol qoıylǵan. Nemis oıynshysy 1994 jyly 17 maýsymda Gıoppıngende (Germanııa) dúnıege kelgen.
Ortalyq shabýylshy, sonymen qatar qos qanatta da oınaı alady, ońqaı. Jasóspirim kezinde «Shtýtgart», «Karlsrýe», «Kaızerslaýtern» sııaqty komandalarda dop tepti. Kásipqoı sport jolyn 2013 jyly «Hombýrg» klýbynda bastady. Sondaı-aq «Gıoppıngen», «Grıýnbah», «Fraıberg», «Zandhaýzen» jáne «Energı» (Kottbýs) komandalarynyń namysyn qorǵady.
Sońǵy komandasy – Ekinshi Býndeslıgada óner kórsetetin «Paderbornda» eki maýsymdy ótkizdi. Sh.Mamba 2019-2020 jylǵy maýsymda «Paderborn» sapynda Býndeslıgada oınady. 24 matchta 5 gol soǵyp, 2 nátıjeli pas berdi. 24 kezdesýdiń 18-inde negizgi quramda alańǵa shyqty. Fýtbolshy Germanııanyń túrli lıgalarynda 199 matchta qarsylastar qaqpasyna 65 gol soqty.
