Aımaqtar • 20 Qańtar, 2021

Maǵzum Myrzaǵalıev qaraǵandylyqtarǵa jańa Ekologııalyq kodeksti tanystyrdy

21 ret kórsetildi

Ekologııa, geologııa jáne tabıǵı resýrstar mınıstri Maǵzum Myrzaǵalıev Qaraǵandy oblysyna is-saparmen bardy. Temirtaý qalasynda oblys ákimi Jeńis Qasymbek, iri ónerkásip kásiporyndarynyń basshylary, saladaǵy sarapshylar jáne jergilikti qoǵam belsendileriniń qatysýymen jańa Ekologııalyq kodeksti túsindirý jónindegi keńes ótti.

«Memleket Basshysy Qasym-Jomart Kemeluly Toqaevtyń tapsyrmasy boıynsha biz jańa ekologııalyq kodekstiń normalaryn qalaı iske asyrylyp, óńirdiń ekologııalyq jaǵdaıyn qalaı jaqsartatynyn túsindirý úshin Qaraǵandy oblysynyń jurtshylyǵymen kezdesýdi uıǵardyq. Sońǵy eki jyl ishinde Ekologııalyq kodekstiń jańa redaksııasyn daıyndaý boıynsha belsendi jumys júrgizildi. Ol ekonomıkalyq yntymaqtastyq pen damý uıymy elderiniń tájirıbesin eskere otyryp ázirlendi. 2021 jylǵy 2 qańtarda jańa Ekologııalyq kodekske Memleket basshysy qol qoıdy. Kodekstiń mańyzdylyǵy onyń adam ómiri men densaýlyǵy, qolaıly ómir súrý ortasyn qamtamasyz etý, iri jáne shaǵyn bıznestiń qyzmetin, olardyń qorshaǵan ortany qorǵaý salasyndaǵy jumysyn retteý sııaqty qoǵamnyń barlyq múddelerin áser etetindiginde», - dedi Maǵzum Myrzaǵalıev jıyn basynda.

Mınıstrdiń sózinshe, Ekologııalyq kodeks Qazaqstandaǵy, sondaı-aq Qaraǵandy oblysyndaǵy ekologııalyq jaǵdaıdy jaqsartýdyń negizgi quralyna aınalady. Mınıstrdiń orynbasary Ahmetjan Pirimqulov Kodekstiń negizgi baǵyttary retinde «lastaýshy tóleıdi jáne túzetedi» qaǵıdatyn iske asyrý, eń ozyq qoljetimdi tehnologııalardy engizý, tabıǵat qorǵaý is-sharalaryna bıýdjet qarajatyn maqsatty jumsaý, úzdik halyqaralyq tájirıbe negizinde ekologııalyq talaptardy qatańdatý, monıtorıngtiń avtomattandyrylǵan júıesin engizý jáne óndiris pen tutyný qaldyqtaryn basqarýdy jetildirý, onyń ishinde «Waste to Energy» engizý jáne taǵy basqalardy atap ótti.

«Qaraǵandy oblysynda  2019 jyly qorshaǵan ortaǵa emıssııa úshin bıýdjetke 16,7 mlrd.tenge tústi. 2020 jyly da solaı boldy. Jańa Ekologııalyq kodekske sáıkes, 2022 jyldan bastap jergilikti atqarýshy organdar kórsetilgen barlyq somany, ıaǵnı 100% túsimdi tabıǵatty qorǵaý sharalaryna jumsaýǵa tıis. Al iri kásiporyndardy ekologııalandyrý úshin olar 10 jyl ishinde eń ozyq qoljetimdi tehnologııalardy engizedi. Bul ýaqytta olar emıssııa úshin tólemnen bosatylady.  Eger kásiporyndar EOQT-ǵa kóshpese emıssııa tólemderi 2025 jyldan 2 esege, 2028 jyldan bastap 4 esege, 2031 jyldan 8 eseege ósedi », - dedi vıse-mınıstr.

Halyqaralyq jasyl tehnologııalar jáne ınvestısııalyq jobalar ortalyǵy eń ozyq qoljetimdi tehnologııalar bıýrosynyń bas sarapshysy Serik Nurkenov EOQT anyqtamalaryn daıyndaý maqsatynda ortalyq elimizdegi negizgi lastaýshy sanalatyn 50 kásiporynǵa keshendi keshendi tehnologııalyq aýdıtti bastap ketkenin habarlady.

«18 kásiporynǵa baryp aýdıt ótkizdik. Endi 32-si qaldy. Aqpan aıynan bastap halyqaralyq jáne ulttyq sarapshylardyń qatysýymen Qaraǵandy oblysyndaǵy «Arselor Mıttal Temirtaý» AQ, «Kazakhmys» JShS kásiporyndary, (JMBZ, BMBZ), Arselor Mıttalǵa qarasty JES-2, JES-bý-aýa úrleıtin stansııasy, «Karsement» AQ, «Karaganda-Energosentr» JES, JES-3,   «GRES-2» (Topar) jáne taǵy basqa kásiporyndaryndarǵa tekserý josparlanyp otyr. Keshendi tehnologııalyq aýdıt ónerkásiptiń EOQT-ǵa kóshý daıyndyǵyn baǵalaýǵa, qýat únemdeıtin, qaldyqsyz tehnologııany engizýdiń maqsattylyǵyn anyqtaýǵa múmkindik beredi. Bul EOQT anyqtamalaryn daıyndaýǵa negiz bolady», - dep túsindirdi maman.

Jergilikti jurtshylyq atynan sóılegen Qaraǵandy oblystyq ekologııalyq mýzeıiniń basshysy Dmıtrıı Kalmykov Kodeks halyq úshin ekologııalyq aqparattyń ashyqtyǵyn qamtamasyz etkenine toqtaldy. Zańnamany jetilirip otyrý úshin Mınıstrlik janynda qoǵamnan usynystar jınaıtyn turaqty jumys tobyn qurýdy usyndy.

«Ekologııalyq qoǵamdastyq jańa kodeksti ol qabyldanbaı turyp-aq qoldap, barlyq talqylaýlarǵa qatysqan. Qoǵamdyq ekologtar tarapynan, ásirese, qoǵam men memleketke shyǵaryndylar boıynsha ekologııalyq ruqsat erejesiniń saqtalýyn baqylaýǵa múmkindik beretin iri kásiporyndardyń lastaýshy kózderindegi avtomattandyrylǵan monıtorıng júıesi, shaǵyn jáne orta bıznes kásiporyndarynyń ekologııalyq ruqsatnamadan bosatylyp, nazardyi iri lastaýshylarǵa aýǵany, EOQT-nyń engizilýin ekonomıkalyq mehanızmi, qoǵamdyq tyńdaýdyń jıi ótkizilýi tıistigi sııaqty  pýnktter qoldaý tapty»,- dedi D.Kalmykov.

Tek óńirdegi emes, elimizdegi eń iri lastaýshylardyń biri sanalatyn «Arselor Mıttal Temirtaý» basshysy Bıdjý Naır Ekologııa mınıstrligimen eń úzdik qoljetimdi tehnologııalardy engizý boıynsha birge jumys isteýge daıyn ekenin jetkizdi.

«Qazirgi ýaqytta biz jańa Ekologııalyq kodeksti EOQT engizý boıynsha saraptap jatyrmyz. Ekologııalyq shyǵaryndylardy 30%-ǵa azaıtý boıynsha jańa strategııa ázirlenýde.  2025 jylǵa deıingi ýaqyt bárimiz úshin birge jumys isteýge asa mańyzdy. Biz mınıstrlik ekologııalyq jobalardy júzege asyrýda qoldaý kórsetedi degen senimdemin», - dedi ol.

Atap óteıik, ekologııalyq kodeks sheńberinde kásipkerlik, qylmystyq, sý kodeksteriniń jáne t.b. birqatar zańnama normalary qaıta qaralady, sondaı-aq zań jobasyn iske asyrý sheńberinde 140-qa jýyq normatıvtik- quqyqtyq aktiler qabyldaý josparlanýda. Mysaly, emıssııa normasynan asqan  jaǵdaıda kásiporynǵa salynatyn aıyppul 10 ese, atmosferalyq aýany qorǵaý men órt qaýipsizdigi talaptaryn saqtamaý boıynsha aıyppul 5 esege ósti. Jeke tulǵany ákimshilik jazaǵa tartý uzaqtyǵy 2 aıdan 1 jylǵa, zańdy tulǵaǵa 1 jyldan 3 jylǵa kóbeıdi.

Sońǵy jańalyqtar

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Grand Slam: Eldos Smetov fınalǵa shyqty

Sport • 05 Naýryz, 2021

Qaraǵandyda jol apatynan 3 adam qaıtys boldy

Aımaqtar • 05 Naýryz, 2021

Darren Dıstiń taǵy bir belesi

Sport • 05 Naýryz, 2021

Uqsas jańalyqtar