«Tehnologııalyq damý jónindegi ulttyq agenttik» AQ Táýekeldi ınvestısııalaý jónindegi aksıonerlik ınvestısııalyq qordyń «Sentras» venchýrlyq qorynyń quramynan shyqty.
«Tehnologııalyq damý jónindegi ulttyq agenttik» AQ Táýekeldi ınvestısııalaý jónindegi aksıonerlik ınvestısııalyq qordyń «Sentras» venchýrlyq qorynyń quramynan shyqty.
Ulttyq agenttik venchýrlyq qordan 91,34 mln. teńge tabyspen enshisin aldy. Agenttiktiń úlesin ınvestısııalyq qordyń ekinshi aksıoneri «Centrica» JShS satyp aldy. Venchýrlyq qarjylandyrýdaǵy táýekelderdiń joǵarylyǵyna qaramastan, qorǵa salynǵan memlekettik ınvestısııalardyń jalpy tabysy 18,27 paıyzdy quraǵan bolatyn.
Eske salar bolsaq, Táýekeldi ınvestısııalaý jónindegi aksıonerlik ınvestısııalyq qordyń «Sentras» venchýrlyq qory 2005 jyly damý múmkindigi joǵary ınnovasııalyq jáne basqa da jobalardy qarjylandyrý maqsatynda qurylǵan bolatyn. Jarǵylyq kapıtaly 1 107 400 myń teńgeni quraǵan qor «Sentras Sekıýrıtız» AQ basqarýyna berilgen edi.
Atalǵan qor osy ýaqytqa deıin ekonomıkanyń túrli salalary boıynsha 8 jobany qarjylandyrdy. Olardyń qatarynda farmasevtıka, mashına qurastyrý, jylý qýaty, jel qýaty, qurylys, aqparattyq tehnologııalar, metallýrgııa salalaryna qatysty jobalar bar.
