Taıaýda Central Asia Renewable Energy Fund LP quramyna kirý týraly tıisti úshjaqty kelisim jasaldy. Jeke sektordy damytý jónindegi Islam korporasııasy elimizdiń «Tehnologııalyq damý jónindegi ulttyq agenttik» AQ-pen jasalǵan kelisimge qol qoıdy. Kelisimsharttyń jasalýyna «Báıterek» ulttyq basqarýshy holdıngi uıytqy boldy.
Taıaýda Central Asia Renewable Energy Fund LP quramyna kirý týraly tıisti úshjaqty kelisim jasaldy. Jeke sektordy damytý jónindegi Islam korporasııasy elimizdiń «Tehnologııalyq damý jónindegi ulttyq agenttik» AQ-pen jasalǵan kelisimge qol qoıdy. Kelisimsharttyń jasalýyna «Báıterek» ulttyq basqarýshy holdıngi uıytqy boldy.
Qordyń maqsaty balamaly jáne jańartylatyn qýat kózderine qatysty jobalardyń portfeline 8-10 jyldyq merzimge ınvestısııa salý ekeni málim. Bastapqy kezeńde 50 mln. AQSh dollaryna jetkizip, keıinnen ony 100 mln. dollarǵa deıin ulǵaıtýdy kózdep otyr. Negizi, qurylǵan qordyń birneshe erekshelikteri bar. Birinshiden, ol tek Qazaqstan aýmaǵyndaǵy jobalardy ǵana qarjylandyrady. Ekinshiden, jarǵylyq kapıtalynyń úshten eki bóligi jeke jáne sheteldik ınvestısııalar esebinen jasaqtalady. Memleket Tehnologııalyq damý jónindegi ulttyq agenttik arqyly jarǵylyq kapıtaldyń úshten bir bóliginen de az kólemin qarjylandyrady. Úshinshiden, qor ıslamdyq qarjylandyrý qaǵıdattary boıynsha jumys isteıtin bolady. Sonymen qatar, jeke sektordy damytý jónindegi ıslam korporasııasy qorǵa konsýltasııalyq keńester berip, jobalardy qurylymdaý jónindegi tájirıbesimen bólisip otyrady. Tórtinshiden, qor qarjylandyrýy múmkin jobalar tizimi jasaldy.
«Báıterek» holdıngi bul jobaǵa qatysý arqyly, elimizde «jasyl» energetıkany damytýǵa jáne Astanada ótetin EKSPO-2017 halyqaralyq kórmesiniń daıyndyq jumystaryna óz úlesin qosyp otyr dep bilemiz.
Nurbaı ELMURATOV,
«Egemen Qazaqstan».
