Almatydaǵy metro basshysy taǵy aýysty

Taǵaıyndaý • 20 Qańtar, 2021

Almatydaǵy metro basshysy taǵy aýysty

14 ret kórsetildi

Saǵyndyq Telibaev Almaty metrosynyń basshysy bolyp taǵaıyndaldy.Jańa basshyny komandaǵa qala ákiminiń birinshi orynbasary Erlan Qojaǵapanov tanystyrdy, dep habarlaıdy Egemen.kz

Dınar KERIM

Qala ákimdigi jańa dırektor Saǵyndyq Telibaev eńbek jolyn metropolıtende «Almatymetroqurylys» AQ qúrdeli qurylys basqarmasynyń taý-ken tehnıkalyq ınspektory bolyp bastaǵanyn habarlady. Sonymen qatar, ol Almaty qalasy ákimdiginiń «Metropolıten dıreksııasy» MKK kúrdeli qurylys bóliminiń taý-ken kúrdeli jumystary jónindegi jetekshi ınjeneri, Almaty qalasy «Metropolıten» KMK tehnıkalyq bóliminiń tehnıkalyq qujattama jónindegi jetekshi ınjeneri bolyp qyzmet atqarǵan.

Almaty ákimi jańa basshynyń aldyna birqatar naqty mindetter qoıdy: jolaýshylarǵa qyzmet kórsetý sapasyn jaqsartý, qaýipsizdik deńgeıin arttyrý, jolaýshylar qataryn kóbeıtý.

756

Buǵan deıin metro dırektory qyzmetin Aıdyn Orazhanov atqarǵan. Metro qyzmetkerleri burynǵy basshynyń qyzymetine shaǵymdanǵan bolatyn. Olardyń aıtýynsha, ol jumysshylardy negizsiz jumystan shyǵarǵan. Bul aqparat BAQ-ta jarııalaǵannan keıin metro qyzmetinde tekserý bastalyp, kóp uzamaı Aıdyn Orazhanovtyń jumystan bosatylǵany belgili boldy.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz