«Nur Otan» partııasy janyndaǵy «Mıras» qoǵamdyq keńesi mádenıet pen ónerdi damytý oraıynda tolaıym jumys tyndyryp keledi. Keńes keıingi kezde óziniń aıasyn keńeıtip, ómirdiń kóptegen salalaryna belsene aralasyp júr. «Mırastyń» quramynda Myrzataı Joldasbekov, Ákim Tarazı, Qýanysh Sultanov, Nurlan Orazalın, Aıman Musaqojaeva, Bekbolat Tileýhan, Ermek Amanshaev sııaqty esimi elge tanymal tulǵalar bar.
«Nur Otan» partııasy janyndaǵy «Mıras» qoǵamdyq keńesi mádenıet pen ónerdi damytý oraıynda tolaıym jumys tyndyryp keledi. Keńes keıingi kezde óziniń aıasyn keńeıtip, ómirdiń kóptegen salalaryna belsene aralasyp júr. «Mırastyń» quramynda Myrzataı Joldasbekov, Ákim Tarazı, Qýanysh Sultanov, Nurlan Orazalın, Aıman Musaqojaeva, Bekbolat Tileýhan, Ermek Amanshaev sııaqty esimi elge tanymal tulǵalar bar.
Keshe «Nur Otan» partııasynyń ortalyq ǵımaratynda qoǵamdyq keńestiń kezekti otyrysy ótkizildi. Partııa Tóraǵasynyń birinshi orynbasary B.Baıbek keńes múshelerine belsendi jumysy úshin alǵys aıta kelip, «Mırastyń» mereıli murattary jaıynda qysqasha áńgimeledi, belgili memleket jáne qoǵam qaıratkeri Qýanysh Sultanovtyń partııanyń taıaýda ótken HÚ sezinde «Nur Otan» partııasy Saıası bıýrosynyń múshesi, Partııalyq baqylaý komıtetiniń tóraǵasy bolyp saılanýyna jáne Prezıdent janyndaǵy adam quqy jónindegi komıssııanyń tóraǵasy mindetin de atqaratyndyǵyna baılanysty ózin keńes tóraǵalyǵy mindetinen bosatýdy suraǵanyn jetkizdi, keńestiń qalyptasý kezeńinde oǵan bilikti jetekshilik jasaǵany úshin alǵys aıtty. Keńes tóraǵalyǵyna Parlament depýtaty, Májilistiń Halyqaralyq ister, qorǵanys jáne qaýipsizdik jónindegi komıtetiniń tóraǵasy Máýlen Áshimbaev usynyldy. «Qoǵamdyq keńestiń jumysyn jańa deńgeıge kóterý kerek, kezegin kútip turǵan máseleler barshylyq. Máýlen Saǵathanulynyń jáne keńestiń basqa da músheleriniń kómegimen biz ol máselelerdi sheshe alatynymyzǵa senemin», dedi Baýyrjan Baıbek. Partııa Tóraǵasynyń birinshi orynbasary Parlament Májilisiniń depýtaty, Memlekettik syılyqtyń laýreaty Aldan Smaıyldy, «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanovty, «Habar» agenttigi» AQ prodıýseri Merýert Qumarovany ózi qol qoıǵan qaýlyǵa sáıkes keńes músheleriniń qataryna qabyldanýymen quttyqtap, qoǵamdyq jumysta tabys tiledi.
«Egemen-aqparat».
