Onyń alǵashqy kezeńiniń qorytyndylary qandaı?
Ústimizdegi jyldyń qyrkúıek jáne jeltoqsan aılary aralyǵynda Astana qalasynda «Sátti qadam» jobasynyń birinshi kezeńi boıynsha úsh aılyq tájirıbe júrgizilgen bolatyn. Osyǵan oraı «Nur Otan» partııasynyń Ortalyq apparatynda jobanyń birinshi kezeńin qorytyndylaý jáne kelesi kezeńge qujattardy qabyldaýdyń bastalýyn habarlaý boıynsha baspasóz máslıhaty bolyp ótti.
Onyń alǵashqy kezeńiniń qorytyndylary qandaı?
Ústimizdegi jyldyń qyrkúıek jáne jeltoqsan aılary aralyǵynda Astana qalasynda «Sátti qadam» jobasynyń birinshi kezeńi boıynsha úsh aılyq tájirıbe júrgizilgen bolatyn. Osyǵan oraı «Nur Otan» partııasynyń Ortalyq apparatynda jobanyń birinshi kezeńin qorytyndylaý jáne kelesi kezeńge qujattardy qabyldaýdyń bastalýyn habarlaý boıynsha baspasóz máslıhaty bolyp ótti.
Qyrkúıek aıynda tájirıbeden ótýge 79 adam baǵyttalǵan edi. Tájirıbeden ótýdiń birinshi aıynda 4 qatysýshy ózderi tájirıbeden ótip jatqan mekemede qyzmetke ornalasty. Birinshi kezeńniń oń nátıjelerin eskere otyryp, tájirıbeden ótýge nıet bildirgen jastar úshin jobanyń ekinshi kezeńin bastaý týraly sheshim qabyldandy. Jospar boıynsha jobaǵa qatysý qujattaryn qabyldaý 18 jeltoqsan men 18 qańtar aralyǵynda júrgiziledi. Suhbattasý kezeńinen ótken joba qatysýshylary 2014 jyldyń 27 qańtarynan tájirıbeden ótýge jiberiledi.
Jobaǵa qatysý sharttary ózgergen joq, biraq joba aıasynda ózara qyzmettestik týraly memorandýmǵa qol qoıylǵan memlekettik organdardyń jáne ulttyq kompanııalardyń sany ulǵaıyp otyr. Mysaly, «Parasat» ulttyq ǵylymı-tehnologııalyq holdıngi» AQ, «Astana Innovations» AQ, «Qazaqstan RTRK» AQ, «Tehnologııalyq damý jónindegi ulttyq agenttigi» AQ, «Ulttyq medısınalyq holdıng» AQ, Statıstıka agenttigi, Qorshaǵan orta jáne sý resýrstary mınıstrligi, Ekonomıka jáne bıýdjettik josparlaý mınıstrligi, Indýstrııa jáne jańa tehnologııalar mınıstrligi, О́ńirlik damý mınıstrligi jáne t.b.
«Qazaqtelekom» AQ, «KAZNEX» AQ, «KEGOC» AQ, «QTJ» AQ ulttyq kompanııalary men Mádenıet jáne aqparat mınıstrligi, Bilim jáne ǵylym mınıstrligi, Kólik jáne kommýnıkasııa mınıstrligi, Ádilet mınıstrligi, Qarjy mınıstrligi sııaqty memlekettik organdar «Sátti qadam» jobasynyń 2-shi kezeńi boıynsha joba qatysýshylaryn tájirıbeden ótýge qabyldaýǵa tilek bildirdi.
«Egemen-aqparat».
