Qazaqstan • 20 Qańtar, 2021

2020 jyly qansha kásiporyn jabylyp qaldy?

24 ret kórsetildi

2021 jyldyń 1 qańtaryndaǵy jaǵdaı boıynsha elimizde 467 623 kásiporyn tirkelgen. Byltyr el aýmaǵyndaǵy uıymdar sany 21 myńǵa kóbeıipti. Ásirese, kóterme jáne bólshek saýda, avtomobıl jáne motosıkl jóndeý, qurylys, sondaı-aq túrli qyzmetter usyný salasynda uıymdar sany artqan.

2020 jyldyń ózinde 36 286 jańa kásiporyn tirkelse, 15 281 kásiporyn jabylyp tynǵan. «Elim marketıngtik jáne áleýmettik zertteýler ınstıtýty» 2020 jyldyń negizgi ekonomıkalyq kórsetkishterine taldaý jasap, 2021 jylǵa boljamyn jarııa etken. Instıtýt taldaýdy jeti negizgi sala – kásiporyn, ekonomıkanyń jetekshi salalary, eksport jáne ımport, óndiris, aýyl sharýashylyǵy, JIО́, ınvestısııa, ekonomıkalyq boljam boıynsha jasaǵan.  

Taldaýdy jasaǵan sarapshylar Erbolat Kekchebaev, Gúlnár Jakýpova jáne Rýslanbek Súleımenovter 2020 jyly el damýyndaǵy basym baǵyt retinde taý-ken óndirisi men óńdeýshi ónerkásipti jáne aýyl sharýashylyǵyn ataıdy. Taý-ken óndirisinde 481 kompanııa, óńdeýshi ónerkásipte 1612 kásiporyn, aýyl sharýashylyǵynda 1675 uıym ashylǵan. 2020 jyl munaı men valıýta úshin asa jaısyz jyl bolǵany belgili. Otandyq sarapshylar Qazaqstan ekonomıkada tabysqa jetýi úshin jer qoınaýyn paıdalaný men aýyl sharýashylyǵyna basymdyq berý kerek ekenin ejelden aıtyp júr. Instıtýttyń osy zertteýi bul oıdy rastaı túskendeı. Aýyl sharýashylyǵy uıymdary Almaty, Aqmola jáne Túrkistan oblystarynda kóptep ashylǵan.

«Halyqtyń shamamen 45 paıyzy aýyldyq jerlerde ómir sredi jáne ekonomıkalyq belsendi halyq tabysynyń 30 paıyzy aýyl sharýashylyǵy sektorynda jumys isteý arqyly qalyptasady. QR UEM statıstıka komıtetiniń dereginde eńbekke jaramdy 8,5 mln adamnyń 2 mıllıony aýyl sharýashylyǵy salasynda jumys isteıdi» delingen zertteýde.

Zertteýde Qazaqstanǵa eń kóp taýar ımporttaýshy eldiń Reseı ekendigi jazylǵan. Byltyr qazan aıynda Reseı 1 216 928,8 myń dollardyń taýaryn jibergen. Ekinshi orynda – Qytaı. Olar 665 845,8 myń dollardyń ónimin tasymaldaǵan. Koreı Respýblıkasy 546 830,9 myń dollarǵa taýar jetkizgen. О́z kezeginde Qazaqstan Qytaı, Reseı, Italııa elderine jıi eksport jasaǵan. Eýroodaq elderine jalpy 1,6 mlrd dollardyń taýaryn eksporttapty.

О́ndiris boıynsha zergerlik buıymdar óndirisi kósh bastaıdy. Sonymen qatar 2020 jyl kıim, toqyma, metall rýdasy, jıhaz, sýsyn, avtokólik, tamaq óndirisine serpin bergen. Kerisinshe, elektr jáne hımııalyq ónerkásip ónimderi, tabıǵı gaz, qaǵaz, bylǵary óndirisi mınýs kórsetkishke ıe.

«Elim MÁZI» marketıngtik kompanııasynyń taldaýyna súıensek, 2020 jyldyń 10 aıynda negizgi kapıtalǵa salynǵan ınvestısııa 450 076 mln teńgeni quraǵan. Alǵashqy jarty jyldyqtaǵy tikeleı sheteldik ınvestısııa kólemi 3 034,9 mlrd dollar bolǵan. Investısııanyń kóbi AQSh (673,3 mlrd dollar), Nıderlandy (667,1), Gonkong (492,6), Ulybrıtanııa (284,1), Kıpr (165,1), Túrkııa (136,0) elderinen kelgen.

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar