Qasym-Jomart Toqaevtyń tóraǵalyq etýimen Parlament Senatynyń bıýro otyrysy boldy, dep habarlady osy palatanyń baspasóz qyzmeti.
Qasym-Jomart Toqaevtyń tóraǵalyq etýimen Parlament Senatynyń bıýro otyrysy boldy, dep habarlady osy palatanyń baspasóz qyzmeti.
Onda Senattyń 19 jeltoqsanda bolatyn kezekti otyrysynyń kún tártibine shyǵarylatyn zań jobalary egjeı-tegjeıli talqylandy. Palata alty zań jobasyn qaraýdy josparlady.
Senattyń turaqty komıtetteriniń tóraǵalary osy zań jobalarynyń ázirlik barysy, atap aıtqanda, komıtetter men jumys toptaryndaǵy talqylaýlardyń nátıjeleri týraly baıandady.
Senat komıtetterine Májiliste maquldanǵan zań jobalary bólinip berildi. Ekonomıkalyq damý jáne kásipkerlik komıtetine Keden odaǵynyń syrtqy jáne ózara saýdasynyń ıntegrasııalanǵan aqparattyq júıesin qurý, onyń jumys isteýi jáne ony damytý týraly kelisimdi ratıfıkasııalaý týraly zań jobasy berildi. Osy komıtet Keden odaǵynyń biryńǵaı keden aýmaǵynda syrtqy jáne ózara saýdada elektrondyq qujattar almasý kezinde aqparattyq tehnologııalardy qoldaný týraly kelisimdi ratıfıkasııalaý týraly zań jobasyna da ıe boldy. Qarjy jáne bıýdjet komıteti ońaltý jáne bankrottyq týraly zań jobasy boıynsha bas komıtet bolyp belgilendi. Bul komıtet zańnamaǵa ońaltý jáne bankrottyq, salyq salý máseleleri boıynsha ózgerister men tolyqtyrýlar engizý týraly zań jobasymen de shuǵyldanatyn boldy.
