Tehnologııa • 21 Qańtar, 2021

Jeńil ónerkásiptiń úlesi ulǵaıa tústi

11 ret kórsetildi

Byltyrǵy qańtar-jeltoqsan aralyǵynda elimizde jeńil ónerkásip óndirisiniń kólemi 15%-ǵa ósip, 128,7 mlrd teńgege jetti. О́sim atalǵan baǵyttyń barlyq salasynda, atap aıtqanda toqyma buıymdary óndirisinde 4,5%-ǵa, kıim óndirisinde 5,5%- ǵa, sondaı-aq bylǵary jáne odan daıyndalatyn ónimder óndirisinde 131,1%- ǵa jetti. Bul týraly Indýstrııa jáne ınfraqurylymdyq damý mınıstrligi habarlady.

 

Vedomstvonyń deregine súıen­sek, byltyr 1,606 mlrd teńgege 6 ınvestısııalyq jo­ba iske qosylyp, 1 145 jumys orny quryldy. Onyń ishinde Turkistan Textile JShS tigin bu­ıymdarynyń óndirisi, «Bal Dekor» JShS kilem buıym­darynyń óndirisi, DALSAN (DALSAN) JShS ylǵaldy maı­lyqtar óndirisi, SP «LUX SHOES JShS ultan óndirisi, sondaı-aq FIBC Kazakhstan JShS pishý sehy jáne «Kýbleı» JShS teri óńdeý sehy syndy jobalar qamtylǵan.

2020 jyly halyqty betper­demen qamtamasyz etý úshin óndi­riske 70-ten astam tigin kásip­or­ny tartyldy. Aıtalyq, Dalatex JShS (Qyzylorda), «Bol­­shevıchka» JShS (Qos­tanaı), «Eko-Farm» JShS (Shym­­kent), «As Farm» JShS (Shyǵys Qazaqstan), «Tynys» AQ (Kók­shetaý), «KazLegProm» JShS (Al­maty), jáne «Janarys» JShS (Mań­ǵystaý) sekildi jeńil óndiris oryn­dary seldir matadan jáne bózden kúnine 700 myń betperde ázirleýdi jolǵa qoıdy.

Tigin kásiporyndaryn shıki­zat­pen qamtamasyz etý maq­sa­tynda Azala Textile JShS táý­ligine 10 myń metr seldir mata shyǵa­ratyn 9 stanokty iske qosty. О́n­di­ris­tik kezeń memleketaralyq ta­lap­tarǵa saı atqarylyp, son­daı-aq kásiporyn tyǵyzdyǵy tó­men aǵar­tylǵan maqta matasyn (bóz, mıt­kal) shyǵaratynyn aıta ketý kerek.

Byltyr aqpanda Qazaqstanda maqta-toqyma klasterin qurý jónindegi jol kartasy bekitilgen edi. Soǵan sáıkes, «Alıans» TPK jáne Azala Textile JShS toqyma kásiporyndaryn «Ońtústik» EEA sýbaımaqtaryna qosýǵa baıla­nysty jumys jal­ǵasyp jatyr. Osyǵan deıin 2019 jyly jeńil ónerkásiptiń salalyq ba­ǵyttary «Astana jańa qala» EEA qyzmetiniń basym túrleriniń tiz­besine engizilgen bolatyn. Buǵan qosa EEO alańynda jeńil óner­kásip kásiporyndary paıdala­natyn shıkizatqa kedendik bajdy tó­men­detý máselesi de qaras­ty­ry­lyp jatqanyn aıta ketken oryn­dy.

Quzyrly organ aıaq kıim taýar­laryn tańbalaý jáne baqylaý bo­ıynsha qanatqaqty jobany júzege asyryp jatyr. Tıisti jol kartasy, sondaı-aq aıaq kıim taýarlaryn tańbalaý jáne qadaǵalaýǵa qatysty bul jobany júrgizýde ádis­temelik usynymdar bekitildi. Budan bólek, jeńil ónerkásiptiń keıbir taýarlaryn tańbalaýǵa baı­lanysty osyǵan uqsas jobalar oryndalyp keledi.

Bıyl 274 jumys ornyn qu­rýǵa arnalǵan 5,429 mlrd teńge ınvestısııaǵa 5 jobany iske asyrý kózdelip otyr. Byltyrǵy jel­toqsandaǵy derekterga sáı­kes, salada 1 210 kásiporyn bar. Onyń 97%-y shaǵyn kásip­oryn­dar. Salada jumyspen qam­tylǵandardyń sany – 20,6 myń adam.

Sońǵy jańalyqtar

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar