Elimizdiń Táýelsizdik kúni qarsańynda Qazaqstan Respýblıkasy Prezıdentiniń Jarlyǵymen eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi jáne belsendi qoǵamdyq qyzmeti úshin azamattardyń úlken bir toby memlekettik nagradalarmen marapattaldy. Olardyń qatarynda mádenıet, ǵylym, bilim berý, densaýlyq saqtaý salalarynyń kórnekti qaıratkerleri, óndiris, bıznes salasynyń ókilderi, quqyq qorǵaý organdarynyń qyzmetkerleri, áskerı qyzmetshiler, sportshylar, soǵys jáne eńbek ardagerleri bar.
Elimizdiń Táýelsizdik kúni qarsańynda Qazaqstan Respýblıkasy Prezıdentiniń Jarlyǵymen eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi jáne belsendi qoǵamdyq qyzmeti úshin azamattardyń úlken bir toby memlekettik nagradalarmen marapattaldy. Olardyń qatarynda mádenıet, ǵylym, bilim berý, densaýlyq saqtaý salalarynyń kórnekti qaıratkerleri, óndiris, bıznes salasynyń ókilderi, quqyq qorǵaý organdarynyń qyzmetkerleri, áskerı qyzmetshiler, sportshylar, soǵys jáne eńbek ardagerleri bar.
«Qazaqstannyń Eńbek Eri» ataǵy Qazaqstan Respýblıkasyn áleýmettik-gýmanıtarlyq damytýdaǵy asa úzdik jetistikteri, belsendi qoǵamdyq qyzmeti úshin Qyzylorda oblysynyń «Abzal ı K» tolyq seriktestiginiń dırektory A.J.Eralıevke, «Kardıohırýrgııa ulttyq ǵylymı ortalyǵy» AQ basqarma tóraǵasy Iý.V.Pıa men Aqmola oblysynyń «Rodına» agrofırmasy» JShS bas dırektory I.A.Saýerge berildi.
«Otan» ordenimen «Halyqaralyq bıznes ýnıversıteti» JShS prezıdenti K.Á.Saǵadıev, «Qazatomónerkásip» UAK» AQ basqarma tóraǵasy V.S.Shkolnık, «Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev» ordenimen Atyraý oblysynyń ákimi B.S.Izmuhambetov marapattaldy. Bir top belgili ǵalymdar men mádenıet, bilim qaıratkerleri, óndiristik sala ókilderiniń eńbegi «Parasat» ordenimen atap ótildi, olardyń arasynda sýretshi Q.S.Abaev, jazýshylar T.Ábdikov, B.Bodaýbaev, L.N.Gýmılev atyndaǵy Eýrazııa ulttyq ýnıversıtetiniń professorlary J.M.Ábdildın, Q.Salǵarauly, «Jan Anam» qaıyrymdylyq qorynyń dırektory M.Ilııasova, «Qazfosfat» JShS bas dırektory M.Z.Iskandırov, «Kentaý transformator zaýyty» AQ dırektorlar keńesiniń tóraǵasy S.I.Qojabaev, Abaı atyndaǵy Qazaq ulttyq pedagogıka ýnıversıtetiniń kafedra meńgerýshisi M.Q.Qoıgeldıev, «Aq Jaıyq» gazetiniń bas redaktory R.Otarbaev, «Kazahstanskaıa pravda» respýblıkalyq gazeti» AQ tóraǵasynyń orynbasary A.Iý.Tarakov, Ǵ.Músirepov atyndaǵy Qazaq memlekettik akademııalyq balalar men jasóspirimderge arnalǵan teatrdyń dırektory T.D.Temenov, Almaty oblysy «DRSÝ-8» JShS dırektory A.G.Ýgrıýmov, Qazaqstan boks federasııasynyń vıse-prezıdenti Iý.A.Shaı bar.
II dárejeli «Dostyq» ordenine «Barbang» Qazaqstan kúrdteri qaýymdastyǵynyń múshesi A.Z.Alıev, Qazaq ulttyq óner ýnıversıtetiniń kafedra meńgerýshisi Q.Á.Baıbosynov, Sh.Aımanov atyndaǵy «Qazaqfılm» AQ aktrısasy A.Temirova, Qazaqstandaǵy «Fılııa» grek qoǵamdary qaýymdastyǵynyń tóraǵasy P.I.Feodorıdı, Reseı Federasııasy «Aqjol» qazaq ulttyq mádenı ortalyǵynyń prezıdenti T.Q.Dúsenbaev jáne basqalar ıe boldy.
«Qurmet» ordeniniń ıegerleri Aqmola oblysy «Zelenyı Bor» shıpajaıy» JShS bas dırektory D.M.Amanjolov, aqyn O.Asqar, Qaraǵandy oblysy Sátbaev qalasynyń № 27 orta mektebiniń muǵalimi Sh.B.Beısenbekova, Soltústik Qazaqstan oblysy «Kırıllovka-Aıyrtaý» JShS mehanızatory J.S.Ǵabdýllın, «Pedıatrııa jáne balalar hırýrgııasy ǵylymı ortalyǵy» RMQK bas ǵylymı qyzmetkeri Á.Q.Mashkeev, «T.Rysqulov atyndaǵy Qazaq ekonomıkalyq ýnıversıteti» AQ rektory S.A.Svıatov, M.Lermontov atyndaǵy Memlekettik akademııalyq orys drama teatrynyń ártisi M.M.Tokarev, «Qazaqstan Respýblıkasy Ulttyq Bankiniń Qazaqstan teńge saraıy» RMK aǵa sheberi S.B.Týrov, Qazaq ulttyq óner ýnıversıtetiniń oqytýshysy E.S.Qusaıynov, «Ardagerler uıymy» RQB Pavlodar oblystyq fılıalynyń tóraǵasy R.Shókeev jáne t.b. atandy.
Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigi men qorǵanys qabiletin nyǵaıtý kezinde kórsetken erligi men qajyrlylyǵy úshin áskerı qyzmetshiler, quqyq qorǵaý organdary ókilderiniń bir toby II dárejeli «Dańq» ordenimen, I, II jáne III dárejeli «Aıbyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy.
«Qazaqstannyń eńbek sińirgen qaıratkeri» qurmetti ataǵy ǵylym, mádenıet, óndiris pen áleýmettik salanyń 76 kórnekti ókiline berildi, Qazaqstan Respýblıkasynyń Qurmet gramotasyna 265 adam ıe boldy.
Nagradtalǵandardyń tizimi jergilikti baspasózde jarııalanady.
