Qoǵam • 21 Qańtar, 2021

Pavlodar oblysynda boryshker ákeniń qaryzy 2 mln teńgege jýyqtaǵan

22 ret kórsetildi

Pavlodar oblysynda balalaryn asyraý boıynsha qaryzy 2 mln teńgege jýyqtaǵan boryshker áke anyqtaldy, dep habarlaıdy Egemen.kz Polisia.kz saıtyna silteme jasap.

«2021 jyldyń 19 qańtarynda polısııaǵa burynǵy jubaıynan aqsha óndirý týraly aryzben jergilikti turǵyn júgindi. Kámeletke tolmaǵan balalardyń anasy óz ótinishinde burynǵy jubaıynyń eki balany asyraýǵa alıment tóleý jónindegi sot sheshimin oryndamaı júrgenin habarlady. Ajyrasqannan keıin balalardyń ákesiniń bala tárbıesine odan ári qatysqysy kelmeıtini, sondaı-aq materıaldyq jaǵynan kómekteskisi kelmeıtini anyqtaldy. Tólenbegen alıment somasy eki jyl ishinde 2 mln teńgege taıaǵan. Qabyldanǵan sharalardyń nátıjesinde polısııa qyzmetkerleri boryshker ákeni anyqtady. Onyń aıtýynsha, balalarynyń tamaǵy men kıiminen góri, óz basynyń shyǵyny kóp ekeni belgili boldy», dedi Pavlodar oblysy Polısııa departamentiniń Kóshi-qon qyzmeti basqarmasy bastyǵynyń orynbasary Qazbek Ahmetov.

Aıta ketý kerek, 2020 jyly qabyldanǵan sharalardyń nátıjesinde oblys boıynsha tártip saqshylary  alıment tólemeı júrgen 203 adamdy taýyp, ustady.

Polısııa departamenti alımentti qasaqana tólemeýshilerge Qazaqstan Respýblıkasy Qylmystyq kodeksiniń 139-baby (Balalaryn kútip-baǵýǵa arnalǵan qarajatty tóleý jónindegi mindetterdi oryndamaý, eńbekke qabiletsiz ata-analaryn, eńbekke qabiletsiz jubaıyn (zaıybyn) kútip-baǵýǵa arnalǵan qarajatty tóleýden jaltarý) qoldanylatynyn eske salady, onda ata-analardyń odan bólek turatyn bala aldyndaǵy mindettemelerin oryndaýdan úsh aıdan astam jaltarýy aýyr zardaptarǵa ákelýi múmkin ekenin kórsetilgen.

Mysaly, quqyq buzýshy alıment tólemegeni úshin 600 saǵatqa deıingi qoǵamdyq jumystar túrindegi nemese eki jylǵa deıin bas bostandyǵyn shekteý nemese bas bostandyǵynan aıyrý boıynsha qylmystyq jaýapkershilikke tartylýy múmkin.

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar