2013 jylǵy 4 jeltoqsan, Astana, Úkimet Úıi
«Kemeler men olarǵa quqyqtardy memlekettik tirkeý erejesin bekitý týraly» Qazaqstan Respýblıkasy Úkimetiniń 2003 jylǵy 17 qańtardaǵy № 49 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Kemeler men olarǵa quqyqtardy memlekettik tirkeý erejesin bekitý týraly» Qazaqstan Respýblıkasy Úkimetiniń 2003 jylǵy 17 qańtardaǵy № 49 qaýlysyna (Qazaqstan Respýblıkasynyń PÚAJ-y, 2003 j., № 1, 17-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Kemeler men olarǵa quqyqtardy memlekettik tirkeý qaǵıdalarynda:
5-tarmaq mynadaı redaksııada jazylsyn:
«5. Teńiz kemeleriniń memlekettik keme tiziliminde (budan ári – Memlekettik keme tizilimi), Qazaqstan Respýblıkasynyń halyqaralyq keme tiziliminde (budan ári – halyqaralyq keme tizilimi), berboýt-charter tiziliminde jáne jasalyp jatqan kemeler tiziliminde kemeler men olarǵa quqyqtardy memlekettik tirkeýdi Porttyń teńiz ákimshiligi júzege asyrady.
Memlekettik keme tizilimin, halyqaralyq keme tizilimin, berboýt-charter tizilimin jáne jasalyp jatqan kemeler tizilimin júrgizýdi Porttyń teńiz ákimshiligi qaǵaz jáne elektrondyq jetkizgishterde júzege asyrady.
Memlekettik keme tizilimin, halyqaralyq keme tizilimin, berboýt-charter tizilimin jáne jasalyp jatqan kemeler tizilimin júrgizý tártibin Qazaqstan Respýblıkasynyń Teńiz ákimshiligi (budan ári – ýákiletti organ) belgileıdi.»;
7-tarmaqta:
1) tarmaqsha mynadaı redaksııada jazylsyn:
«1) osy Qaǵıdalarǵa sáıkes kemelerdi jáne olarǵa quqyqtardy memlekettik tirkeý úshin qajetti qujattardy qabyldaý. Usynylatyn qujattar osy Qaǵıdalardyń talaptaryna sáıkes kelmegen kezde úsh jumys kúni ishinde oǵan qujattardy qabyldaýdan dáleldi jazbasha bas tartýdy bere otyryp, ótinish berýshige qujattar qabyldaýdan bas tartylady;»;
3) tarmaqsha mynadaı redaksııada jazylsyn:
«3) kórsetilgen qaıshylyqtar men memlekettik tirkeýden bas tartý úshin basqa negizder bolmaǵan kezde Memlekettik keme tizilimine, halyqaralyq keme tizilimine, berboýt-charter tizilimine, jasalyp jatqan kemeler tizilimine jazýlar engizý;»;
19-tarmaqtyń ekinshi bólimi mynadaı redaksııada jazylsyn:
«Osy Qaǵıdalardyń 18-tarmaǵynda kórsetilgen qujattardy alǵan kezde Qazaqstan Respýblıkasynyń shetelderdegi mekemesiniń konsýldyq laýazymdy tulǵasy qujattardy esepke alý kitabyna tıisti jazba engizedi. Ýaqytsha kýálik berilgeni týraly árbir jazba tirkeý nómirimen sáıkestendiriledi. Mundaı nómir qujattardy qabyldaǵan kezde beriledi jáne qabyldaǵan qujattardyń kiris nómirine sáıkes keledi. Usynylǵan qujattardy teksergennen keıin Qazaqstan Respýblıkasynyń shetelderdegi mekemesi ýaqytsha kýálik beredi. Berilgen ýaqytsha kýálik týraly Qazaqstan Respýblıkasynyń shetelderdegi mekemesi on jumys kúni ishinde ýákiletti organǵa ýaqytsha kýáliktiń kóshirmesin qosa bere otyryp, habarlama jiberedi.»;
mynadaı mazmundaǵy 2-1-bólimmen tolyqtyrylsyn:
«2-1. Kemeler men olarǵa quqyqtardy Qazaqstan Respýblıkasynyń halyqaralyq keme tiziliminde memlekettik tirkeý.
21-1. Kemege menshik quqyǵy jáne ózge de zattyq quqyqtar (berboýt-charter boıynsha jaldap alynǵan kemege osy quqyqtardy qospaǵanda), osy quqyqtardy shekteýler (aýyrtpalyqtar), olardyń týyndaýy, aýysýy jáne toqtatylýy Qazaqstan Respýblıkasynyń halyqaralyq keme tiziliminde tirkelýge jatady.
Menshik quqyǵyna jáne ózge de zattyq quqyqtarǵa qatysty shekteýler (aýyrtpalyqtar) belgilengen kemeni Qazaqstan Respýblıkasynyń halyqaralyq keme tiziliminde tirkeý jáne mundaı kemeni atalǵan tizilimnen shyǵarý paıdasyna tıisti shekteý (aýyrtpalyq) belgilengen adamnyń jazbasha nysandaǵy kelisimimen júzege asyrylady.
21-2. Kemeler shet memleketterdiń keme tizilimderinde tirkelgen jáne halyqaralyq keme tiziliminde tirkeý týraly ótinish berilgen kúni olardyń shyǵarylǵan jyldary jıyrma jyldan asqan bolsa, olar halyqaralyq keme tiziliminde tirkeýge jatpaıdy.
21-3. Kemeni Qazaqstan Respýblıkasynyń halyqaralyq keme tiziliminde tirkeý kezinde keme ıesi (keme ıelenýshisi) nemese olar ýákilettik bergen adamdar mynadaı qujattardy usynady:
1) erkin nysanda ótinish;
2) osy Qaǵıdalarǵa 1-qosymshaǵa sáıkes keme tiziliminiń saýalnamasy;
3) ólsheý kýáligi;
4) synyptaý kýáligi;
5) teńiz kemesin memlekettik tirkegeni úshin alym somasynyń bıýdjetke tólengenin rastaıtyn qujat.
Sondaı-aq menshik quqyǵyndaǵy kemeni tirkeý úshin:
1) kemege menshik quqyǵyn rastaıtyn qujat;
2) júzýge jaramdylyǵy týraly kýálik (qoldanylatyn bolsa);
3) jolaýshylar kýáligi (jolaýshylar kemesi úshin);
4) osy memlekettiń týyn aýystyrǵanǵa deıin tikeleı tirkelgen tizilimnen shet memlekettiń kemesiniń alynyp tastalǵanyn jáne ıpoteka aýyrtpalyǵy joqtyǵyn kýálandyratyn qujat;
5) menshik ıesiniń aty men mekenjaıyn kýálandyratyn qujattar usynylady.
Memlekettik keme tiziliminde kemeniń tirkelýi áli jaramdy bolǵan jaǵdaıda, osy Qaǵıdalarǵa 2 jáne 3-qosymshalarǵa sáıkes teńiz kemesiniń Qazaqstan Respýblıkasynyń Memlekettik týyn kóterip júzý quqyǵy týraly jáne kemege menshik quqyǵy týraly kýálikteriniń tek kóshirmeleri ǵana usynylady.
Sondaı-aq berboýt-charter boıynsha paıdalanýǵa usynylǵan kemeni tirkeý úshin:
1) keme jaldaýshynyń aty men mekenjaıyn rastaıtyn qujattar;
2) berboýt-charter sharty;
3) shet memlekettiń quzyretti bılik oryndary bergen, onda keme tikeleı tý aýystyrylǵanǵa deıin tirkelgen, osyndaı memlekettiń týyn kóterip júzý quqyǵy toqtatyla turǵanyn nemese bul quqyq Qazaqstan Respýblıkasynyń berboýt-charterlik tiziliminde keme memlekettik tirkelgen sátinen bastap toqtatyla turǵan kemeni Qazaqstan Respýblıkasynyń týyn kóterip júzýge ýaqytsha aýystyrýǵa kelisý týraly, sondaı-aq kemege ıpoteka aýyrtpalyǵy salynǵany týraly málimetterdi qamtıtyn qujattar;
4) kemeni Qazaqstan Respýblıkasynyń Memlekettik týyn kóterip júzýge aýystyrýǵa menshik ıesi jáne kemeniń tirkelgen aýyrtpalyǵyna kepil ustaýshynyń jazbasha ruqsaty;
5) keme Soltústik Kaspıı jobasyn iske asyrý úshin jalǵa alynǵanyn rastaıtyn Soltústik Kaspıı jobasy jónindegi operatordan hat (osy Qaǵıdalardyń 22-tarmaǵynyń 2) tarmaqshasynda kórsetilgen tulǵalar jalǵa alǵan kemeler úshin) usynylady.
Berboýt-charter tiziliminde kemeniń tirkelýi jaramdy bolǵan jaǵdaıda osy Qaǵıdalarǵa 5-qosymshaǵa sáıkes berboýt-charter sharttarynda jalǵa alynǵan sheteldik teńiz kemesine Qazaqstan Respýblıkasynyń Memlekettik týyn kóterip júzý quqyǵyn ýaqytsha berý týraly kýáliktiń kóshirmesi ǵana usynylady.
21-4. Berboýt-charter boıynsha jalǵa alynǵan kemeni halyqaralyq keme tiziliminde tirkeý merzimi osyndaı kemege Qazaqstan Respýblıkasynyń Memlekettik týyn kóterip júzý quqyǵyn ýaqytsha berý merziminen aspaıtyn bolady.
Qazaqstan Respýblıkasynyń Memlekettik týyn kóterip júzý quqyǵyn ýaqytsha berý týraly sheshimdi ýákiletti organ osy Qaǵıdalardyń 24 jáne 25-tarmaqtarynda kózdelgen tártippen qabyldaıdy.
21-5. Kemeni Qazaqstan Respýblıkasynyń halyqaralyq keme tizilimine engizý:
1) menshik quqyǵyndaǵy kemege – osy Qaǵıdalarǵa 2 jáne 3-qosymshalarǵa sáıkes teńiz kemesiniń Qazaqstan Respýblıkasynyń Memlekettik týyn kóterip júzý quqyǵy týraly jáne kemege menshik quqyǵy týraly kýálikter;
2) berboýt-charter boıynsha paıdalanýǵa usynylǵan kemege – osy Qaǵıdalarǵa 5-qosymshaǵa sáıkes berboýt-charter sharttarynda jalǵa alynǵan sheteldik teńiz kemesine Qazaqstan Respýblıkasynyń Memlekettik týyn kóterip júzý quqyǵyn ýaqytsha berý týraly kýálik berý arqyly kýálandyrylady.»;
23-tarmaq mynadaı redaksııada jazylsyn:
«23. Ýákiletti organ teńiz kemesine Qazaqstan Respýblıkasynyń Memlekettik týyn kóterip júzý quǵyǵyna ýaqytsha ruqsat berý týraly sheshim qabyldaǵan kúnnen bastap kúntizbelik otyz kún ishinde mundaı keme berboýt-charter tizilimine tirkeýge jatady.»;
24-tarmaqtyń birinshi abzasy mynadaı redaksııada jazylsyn:
«24. Qazaqstan Respýblıkasynyń Memlekettik týyn kóterip júzý quqyǵyn ýaqytsha berý týraly sheshim qabyldaý úshin keme ıesi ýákiletti organǵa mynadaı qujattardy beredi:»;
25-tarmaqtyń birinshi abzasy jáne 3) tarmaqshasy mynadaı redaksııada jazylsyn:
«25. Ýákiletti organnyń qujattardy qaraýy on jumys kúni ishinde júzege asyrylady, qaraý qorytyndylary boıynsha Qazaqstan Respýblıkasynyń Memlekettik týyn kóterip júzý quqyǵyn ýaqytsha berý týraly ruqsat beriledi nemese mynadaı jaǵdaılarda:»;
«3) berboýt-charter tiziliminde tirkeý merzimin uzartýǵa jatatyn kemelerdi, qazaqstandyq flottyń quramynda bolmaıtyn mamandandyrylǵan kemelerdi, sondaı-aq renovasııa, jańǵyrtý jáne qaıta jabdyqtaý rásiminen ótken kemelerdi qospaǵanda, kemeniń shyǵarylǵan ýaqyty 20 jyldan joǵary bolǵan kezde bas tartylady.»;
27-tarmaq mynadaı mazmundaǵy ekinshi bólikpen tolyqtyrylsyn:
«Berboýt-charter tiziliminde tirkelgen shetel kemesine Qazaqstan Respýblıkasynyń Memlekettik týyn kóterip júzýge quqyǵyn ýaqytsha berý merzimi ótken kezde, qazaqstandyq keme jaldaýshy nemese osy Qaǵıdalardyń 22-tarmaǵynyń 2) tarmaqshasynda kózdelgen adam júzýge ýaqytsha quqyq berý merzimi ótkennen keıin jeti jumys kúni ishinde Porttyń teńiz ákimshiligine Qazaqstan Respýblıkasynyń Memlekettik týyn kóterip júzýge ýaqytsha quqyq berý týraly tıisti kýálikti qaıtarady.»;
6-bólimniń taqyryby mynadaı redaksııada jazylsyn:
«6. Kemeni Memlekettik keme tiziliminen, halyqaralyq keme tiziliminen, jasalyp jatqan kemeler tiziliminen nemese berboýt-charter tiziliminen shyǵarý»;
mynadaı mazmundaǵy 38-1-tarmaqpen tolyqtyrylsyn:
«38-1. Myna:
1) opat bolǵan nemese habarsyz joǵalyp ketken;
2) konstrýksııalyq jaǵynan kúıregen;
3) qaıta qurý nemese kez kelgen basqa ózgerister nátıjesinde keme sapasyn joǵaltqan;
4) Zańnyń 11-babynyń 3-1-tarmaǵynda kózdelgen talaptarǵa sáıkes kelmeı qalǵan;
5) oǵan qatysty Qazaqstan Respýblıkasynyń Memlekettik týyn kóterip júzip júrýge quqyǵyn ýaqytsha berý týraly sheshimdi ýákiletti organ joqqa shyǵarǵan;
6) oǵan qatysty Qazaqstan Respýblıkasynyń aýmaqtyq sýlary sheginde qyzmetti júzege asyrý faktisi aıqyndalǵan jaǵdaılarda keme Halyqaralyq keme tiziliminen shyǵarylady.»;
40-tarmaq mynadaı redaksııada jazylsyn:
«40. Kemeni Memlekettik keme tiziliminen, halyqaralyq keme tiziliminen jáne berboýt-charter tiziliminen shyǵarýdy Porttyń teńiz ákimshiligi keme ıesiniń (keme ıelenýshiniń) nemese olar ýákilettik bergen adamdardyń kemeni memlekettik tirkeý kezinde berilgen kýálikterdi qosa bere otyryp, erkin nysandaǵy ótinishi negizinde júrgizedi.
Osy Qaǵıdalardyń 38-tarmaǵynyń 1), 2), 3) tarmaqshalarynda, 38-1-tarmaǵynyń 1), 2), 3) tarmaqshalarynda, 44-tarmaǵynyń 1), 2), 3) tarmaqshalarynda kórsetilgen jaǵdaılarda ótinishke onda jazylǵan faktilerdi rastaıtyn qujattar da qosa beriledi.
Osy Qaǵıdalardyń 38-1-tarmaǵynyń 5), 6) tarmaqshalarynda jáne 44-tarmaǵynyń 5) tarmaqshasynda kórsetilgen jaǵdaılarda, kemeni Halyqaralyq keme tiziliminen jáne berboýt-charter tiziliminen shyǵarýdy keme ıesiniń (keme ıelenýshiniń) mekenjaıyna joldanǵan ýákiletti organnyń tıisti habarlamasy negizinde Porttyń teńiz ákimshiligi júrgizedi.»;
42-tarmaq alynyp tastalsyn;
43, 44 jáne 45-tarmaqtar mynadaı redaksııada jazylsyn:
«43. Porttyń teńiz ákimshiligi tıisti tizilimge shyǵarý týraly jazý engizedi jáne osy Qaǵıdalardyń 9-qosymshasyna sáıkes kemeniń Teńiz kemeleriniń memlekettik keme tiziliminen, Qazaqstan Respýblıkasynyń halyqaralyq keme tiziliminen nemese Qazaqstan Respýblıkasyndaǵy jasalyp jatqan keme tiziliminen shyǵarylǵany týraly kýálikti keme ıesine (keme ıelenýshige) nemese olar ýákilettik bergen adamdarǵa beredi.
Kemeni halyqaralyq keme tiziliminen shyǵarý týraly aqparat Qazaqstan Respýblıkasy Qarjy mınıstrliginiń Salyq komıtetine jáne Kedendik baqylaý komıtetine joldanady.
44. Berboýt-charter tiziliminen:
1) opat bolǵan nemese habarsyz joǵalyp ketken;
2) konstrýksııalyq jaǵynan kúıregen;
3) qaıta jasaý nemese kez kelgen basqa da ózgerister nátıjesinde keme sapasyn joǵaltqan;
4) osy Zańnyń 11-babynyń 5-tarmaǵynda kózdelgen talaptarǵa sáıkes kelmeı qalǵan;
5) osy Qaǵıdalarǵa sáıkes oǵan qatysty ýákiletti organ Qazaqstan Respýblıkasynyń Memlekettik týyn kóterip júzý quqyǵyn ýaqytsha berý týraly sheshimniń kúshin joıǵan keme shyǵarylýǵa jatady.
45. Memlekettik keme tiziliminde tirkelgen kemeni berboýt-charter boıynsha sheteldik keme jaldaýshyǵa paıdalanýǵa jáne ıelik etýge usynǵan kezde osyndaı keme ýákiletti organnyń sheshimi negizinde shet memlekettiń týyn kóterip júzýge ýaqytsha aýystyrylýy múmkin.»;
46-tarmaqtyń birinshi abzasy mynadaı redaksııada jazylsyn:
«46. Shet memlekettiń týyn kóterip júzýge ýaqytsha aýystyrý týraly sheshimdi ýákiletti organ kemeniń menshik ıesiniń nemese ol ýákilettik bergen adamnyń mynadaı qujattar qosa berilgen ótinishi negizinde qabyldaıdy:»;
51 jáne 52-tarmaqtar mynadaı redaksııada jazylsyn:
«51. Berboýt-charter qoldanysy toqtatylǵan kezde nemese ýákiletti organnyń sheshiminde kórsetilgen merzim ótken kezde Memlekettik keme tizilimine kemeniń menshik ıesiniń ótinishi negizinde tıisti jazý engiziledi jáne osy Qaǵıdalarda belgilengen tártippen teńiz kemesiniń Qazaqstan Respýblıkasynyń Memlekettik týyn kóterip júzý quqyǵy týraly jańa keme kýáligi beriledi.
52. Shaǵyn kólemdi kemelerdi tirkeýdi ishki sý joldary boıynsha júzetin shaǵyn kólemdi kemeler úshin aıqyndalǵan tártippen ishki sý kóligi salasyndaǵy ýákiletti organnyń aýmaqtyq bólimshesi keme kitapshasynda júrgizedi.»;
kórsetilgen Qaǵıdalarǵa 1-qosymshada:
2-tarmaq mynadaı redaksııada jazylsyn:
«2. Aldyńǵy tirkelgen porty (orny) jáne ony joıý kúni (Memlekettik keme tizilimi/Qazaqstan Respýblıkasynyń halyqaralyq keme tizilimi úshin)/ toqtatyp qoıý kúni (berboýt-charter tizilimi/Qazaqstan Respýblıkasynyń halyqaralyq keme tizilimi úshin) (eger mundaı jaǵdaı oryn alsa)»;
kórsetilgen Qaǵıdalarǵa 2-qosymshada:
birinshi jáne ekinshi abzastar mynadaı redaksııada jazylsyn:
«20_____ jylǵy «____» _____________ №________ Qazaqstan Respýblıkasynyń Teńiz kemeleriniń memlekettik keme tizilimine/ Qazaqstan Respýblıkasynyń halyqaralyq keme tizilimine engizilgen derekterdiń negizinde _____________________________________________________________ kemege
(kemeniń ataýy) (name of ship)
Qazaqstan Respýblıkasynyń Memlekettik týyn kóterip júzýge ruqsat beriletini kýálandyrylady.
This is to certify that according to the data entered into the State Ship Register of the Republic of Kazakhstan/ the international ship register of the Republic of Kazakhstan, the ship has been authorized to sail under the state flag of the Republic of Kazakhstan.»;
kórsetilgen Qaǵıdalarǵa 3-qosymshada:
birinshi jáne ekinshi abzastar mynadaı redaksııada jazylsyn:
«20_____ jylǵy «_____» _____________ №________ Qazaqstan Respýblıkasynyń Teńiz kemeleriniń memlekettik keme tizilimine/ Qazaqstan Respýblıkasynyń halyqaralyq keme tizilimine engizilgen derekterdiń negizinde _________________________________________________ keme kýálandyrylady
(kemeniń ataýy) (name of ship)
This is to certify that according to the data entered into the State Ship Register of the Republic of Kazakhstan / the international ship register of the Republic of Kazakhstan, the ship»;
kórsetilgen Qaǵıdalarǵa 5-qosymshada:
birinshi jáne ekinshi abzastar mynadaı redaksııada jazylsyn:
«20_____ jylǵy «______» _____________ №________ Qazaqstan Respýblıkasynyń berboýt-charter tizilimine/ Qazaqstan Respýblıkasynyń halyqaralyq keme tizilimine engizilgen derekterdiń negizinde kemege ________________________________ ony berboýt-charter shartynda jaldaý
(kemeniń ataýy) (name of ship)
kezinde Qazaqstan Respýblıkasynyń Memlekettik týyn kóterip júzýge ruqsat berilgeni kýálandyrylady: (from) 20___ jyldan «__» ______ (till) 20____ jylǵa «____» _________ deıin
This is to certify that according to the data entered into the Berbout-chartering Register of the Republic of Kazakhstan/ the international ship register of the Republic of Kazakhstan, the ship has been authorized to sail under the state flag of the Republic of Kazakhstan for the period of Chartering it on the Berbout basis.»;
kórsetilgen Qaǵıdalarǵa 9-qosymshada:
taqyryby mynadaı redaksııada jazylsyn:
«Kemeni Teńiz kemeleriniń memlekettik keme tiziliminen, Qazaqstan Respýblıkasynyń halyqaralyq keme tiziliminen nemese Qazaqstan Respýblıkasynyń jasalyp jatqan kemeler tiziliminen shyǵarý týraly kýálik
Svıdetelstvo ob ısklıýchenıı sýdna ız Gosýdarstvennogo sýdovogo reestra morskıh sýdov, mejdýnarodnogo sýdovogo reestra Respýblıkı Kazahstan ılı reestra stroıashıhsıa sýdov Respýblıkı Kazahstan»;
10-tarmaq mynadaı redaksııada jazylsyn:
«10. Menshik ıesi/keme ıelenýshi jáne onyń mekenjaıy_______________
Sobstvennık/sýdovladeles ı ego adres______________________________
barlyq tirkelgen quqyqtar men aýyrtpalyqtar toqtatyla otyryp, Teńiz kemeleriniń memlekettik keme tiziliminen, halyqaralyq keme tiziliminen nemese jasalyp jatqan kemeler tiziliminen (kereginiń astyn syzý) shyǵarylǵany rastalady.
ısklıýcheno ız Gosýdarstvennogo sýdovogo reestra morskıh sýdov, mejdýnarodnogo sýdovogo reestra Respýblıkı Kazahstan ılı reestra stroıashıhsıa sýdov (nýjnoe podcherknýt) s prekrashenıem vseh zaregıstrırovannyh prav ı obremenenıı.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. AHMETOV.
