Qyzyl kitapqa engen janýarlardy zańsyz aýlaǵany úshin qylmystyq jaýapkershilik týraly polısııa qyzmetkerleriniń eskertýlerine qaramastan, azamattar janýarlardyń sırek kezdesetin nemese joǵalý qaýpi joǵary túrlerin aýlaýdy jalǵastyrýda. 14 qańtarda saǵat 01.00-de reıdtik sharalar barysynda Qaraǵandy oblysynyń PD tabıǵat qorǵaý polısııasynyń jáne Nura aýdanynyń PB qyzmetkerleri, “Ohotzooprom” mekemesiniń ınspektorlarymen birge Nura aýdanynyń aýmaǵynda “VAZ-2121” markaly avtokóligin toqtatty.
Nur-Sultan qalasynyń 34 jastaǵy turǵyny basqaryp kele jatqan avtokólikti tekserý kezinde avtomobıldiń tóbesine ornatylǵan júk salǵyshta aqbóken terisin alyp kele jatqany anyqtaldy. Budan basqa júk salǵyshtan múıizi kesilgen úsh dana kıiktiń basy, qan men jún izderi bar as úı pyshaǵy bar qap tabyldy. Sol kúni onyń Nura aýdanynyń 28 jastaǵy turǵyny bolyp tabylatyn inisimen birge bir bas aqbókendi qoraǵa aıdap kirgizip, keıin soıyp, sodan keıin soıylǵan kıik etin qapqa salyp, kólikke jasyrǵany anyqtaldy.
Tártip saqshylary aǵaıyndylar qasaphana retinde paıdalanǵan qaraýsyz qalǵan ǵımaratty teksergen kezde eki qapqa salynǵan kıik etine uqsas jiliktelgen et pen úsh jup múıizdi tapty. Brakoner tiri jáne soıylǵan aqbókenmen túsken fotosýretti smartfonynda saqtap, ony jaqyndaryna estelik retinde qaldyrý týraly sheshim qabyldaǵan. Atalǵan fakt boıynsha tıisti saraptamalar taǵaıyndalyp, qazirgi ýaqytta tergeý jumystary jalǵasýda.
