Ekonomıka • 22 Qańtar, 2021

Agenttik aıyppul saldy

41 ret kórsetildi

Qarjy naryǵyn retteý jáne damytý agenttigi 2020 jylǵy jeltoqsanda halyqpen tikeleı jumys isteıtin qarjy jáne ózge de uıymdardyń jarnama qyzmetine júrgizilgen monıtorıngtiń qorytyndysyn jarııalady.

Agenttik mıkroqarjy uıymdary men lombard­tarǵa jalpy somasy 5,7 mln teńgege aıyppul salǵan. 30 ákimshilik jaza qoldanyp, 9 jazbasha uıǵarym shyǵarylǵan.

Máselen, «TAS CREDIT» mıkroqarjy uıymy» JShS-na buqaralyq aqparat quraldarynda qyzmetine sáıkes kelmeıtin jarnamany taratqany nemese ornalastyrǵany úshin 416 700 teńge aıyppul salynǵan.

El zańnamasynda belgilengen tártipke sáıkes eseptelgen jyldyq tıimdi syıaqy mólsherlemesiniń mólsherin kórsetpegeni úshin «Lombard «Pıatachok», «Lombard Doverıe», «0,18% Lombard», «Altyn Lombard», «Lombard Kredıt kz», «LOMBARD STOLIChNYI KZ», «Tez Lombard», «Sıfra Lombard», «Ekspress zaım MQU», «Lombard «Srochno dengı», «Lombard Status&Ko», «Lombard «Narodnyı KZ», «Lombard «Agat-T» jaýapkershiligi shekteýli seriktestikterine qatysty 27 ákimshilik jaza qoldanylǵan. Olarǵa salynǵan aıyppul somasy – 4,7 mln teńge.

– Bir aıda eki márte jazalanǵandar da bar. Máse­len, Qazaqstan Respýblıkasynyń «Mıkroqar­jylyq qyzmet týraly» zańynda kózdelmegen qyzm­etti júzege asyrǵany úshin «Lıder – Kapıtal 168» MQU» JShS-na qatysty 2 ákimshilik jaza ta­ǵaıyn­dalyp, 555 600 teńgege aıyppul salyndy, – dep ha­bar­lady Qarjy naryǵyn retteý jáne damytý agenttigi.

«Adıl-Lombard», «Aı-N Lombard», «Lombard-Qarjy», «Lombard «ULY ShYŃ», «Gold-Iýg-Lombard», «Lombard «Komfort», «Ońtústik Fınans-Resýrs» kredıttik seriktestigi», «Creditum» mıkroqarjy uıymy», «TESQUA FINANCE» MQU» jaýapkershiligi shekteýli seriktestikterine 9 jazbasha uıǵarym berilgen. Olardyń mıkronesıe berý týraly úlgi sharttary el zańnamasynyń talaptaryna sáıkes kelmeıtini anyqtalypty.

Budan bólek, qaıta tirkeýden ótpegen jáne eseptik tirkeýden ótý úshin ótinish bermegen lom­bard­tarǵa qatysty agenttiktiń óńirlik basqar­malary májbúrlep taratý týraly shaǵym-talap jumystaryn jalǵastyrýda.

– 2020 jylǵy jeltoqsanda ekinshi deńgeıli bankterge, baǵaly qaǵazdar naryǵynyń jáne saqtan­dyrý naryǵynyń sýbektilerine qatysty buzýshylyqtar, sondaı-aq zańsyz is-qımyl jáne alaıaqtyq faktileri anyqtalǵan joq, – dep habarlady Qarjy naryǵyn retteý jáne damytý agenttigi.

Monıtorıng Nur-Sultan, Almaty, Shymkent qalalarynda jáne barlyq oblys ortalyqtarynda júrgizilgen.

2020 jylǵy 1 jeltoqsandaǵy derekke súıensek, Qazaqstanda mıkroqarjy qyzmetin júzege asyratyn 1 109 uıym bar. Onyń 663-i – lombard, 2013-i – nesıe seriktestigi, 233-i – mıkroqarjy uıymy. 2020 jylǵy qarashada 9 uıym eseptik tirkeýden ótse, 12 uıym tizilimnen alyp tastalǵan.

Mıkroqarjy uıymdarynyń deni Almaty (19 paıyz) men Nur-Sultan (11 paıyz) qalalaryna, sondaı-aq Qaraǵandy (11 paıyz) jáne Almaty oblystaryna (10 paıyz) tıesili.

 

Sońǵy jańalyqtar

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Elimizde kúnbaǵys maıy qymbattady

Qoǵam • Búgin, 11:18

Uqsas jańalyqtar