Qaýipti indet «qutyra» bastady

Ásirese Atyraý qalasy men Jylyoı aýdanyndaǵy «Teńiz» kenishinde indetti juqtyrýshylar qatary kún saıyn kóbeıip jatyr. Qazir oblys ortalyǵynda – 6 369, Jylyoı aýdanynda 6 708 naýqas tirkelgen. Al «Teńiz» ken ornyndaǵy merdiger meke­me­lerdiń 5 467 jumysshysy, Jyly­oı aýdanynyń ortalyǵy Qul­sa­ry qalasynda 1 241 naýqas bar. Sondaı-aq Inder aýdanynda – 406, Isataıda – 262, Qyzylqoǵada – 487, Qurmanǵazyda – 385, Maqatta – 310, Mahambet aýdanynda 259 adamnyń qaýipti indettiń «quryǵyna» ilinge­ni belgili bolyp otyr.

Osy derektiń ózinen koronavırýs ınfeksııasynyń munaıly óńir­degi aýdannyń bárinde taral­ǵa­nyn baıqaýǵa bolady. Máselen, 20 qańtardaǵy málimetke qaraǵanda, taǵy 82 adamnan koronavırýs anyq­taldy. Naýqastardyń arasyn­da Atyraý qalasynan 16 adam bar. «Teńiz» kenishinde – 58 jumysshy, Qulsary qalasynan – 3 , Inder aýdanynan – 1, Qyzylqoǵadan – 1, Qurmanǵazy aýdanynan 3 adam koronavırýsqa shaldyqqan. Onyń ishinde 11 adam densaýlyq jaǵdaıyna baılanysty medısına­lyq kómekke júginse, 63 naýqastan COVID-19 skrınıgten ótý kezinde tabylypty. Sondaı-aq 8 adam qa­ýip­ti vırýs juqtyrǵan naýqaspen qarym-qatynasta bolǵan eken.

 Degenmen oblys ákimi Mahambet Dosmuhambetov epıdemııalyq jaǵdaıdy turaqty dep esepteıdi. Ákimniń aıtýynsha, ótken aptada koronavırýs ınfeksııasynyń 564 jaǵdaıy tirkeldi. Onyń ishinde 379 jaǵdaı, ıaǵnı 67 paıyzy «Teńiz» ken ornyndaǵy vahtalyq qala­shyq­tarda anyqtaldy. Oblysta tir­kel­gen indettiń 81 paıyzy, so­nymen qatar «Teńiz» ken ornynda anyqtalǵan jaǵdaıdyń 89 paıyzy sımptomsyz sanalady. Reprodýktıvtik ındeksi 1,01 pa­ıyzdy quraıdy. Qazir oblystyń bas sanıtar dárigeriniń qaýlysymen «Teńiz» ken ornyndaǵy karantın merzimi uzartylyp, shekteý sharalary kúsheıtildi.

– О́ńirde 1 933 ınfeksııalyq tósektik oryn ázirlendi. Aýrýha­na­lar­da 4 MRT, 12 kompıýterlik tomografııa, 27 rentgen, 267 ókpeni jasandy jeldetý apparattary, 669 ottegi konsentraty, 1 514 pýlsoksımetr, 6 ottegi stansasy, 113 jedel me­dısınalyq járdem kóligi, 7 jyl­jymaly medısınalyq keshen bar. Koronavırýs pnevmonııasy men JRVI-men syrqattanǵan naýqas­tar­ǵa ambýlatorlyq deńgeıdegi medısınalyq kómekti 126 mobıldi top kórsetip otyr. Barlyq medısı­na­lyq mekemede jeke qorǵanysh quraldarynyń 2 aılyq qory bar. Sondaı-aq táýligine 7 myńǵa jýyq zertteý júrgizetin 11 PTR zertha­nasy jumys istep tur. Indet bas­tal­ǵannan beri oblysta 575 myń zertteý júrgizildi. Sońǵy aptada ortasha táýliktik kórsetkish 3 975 testini qurady. Bıylǵy qańtarda júr­gi­zilgen PTR zertteýlerdiń sany ótken jyldyń jeltoqsandaǵy kórsetkishpen salystyrǵanda 23 paıyzǵa artyp otyr, – deıdi M.Dosmuhambetov.

«Qyzyl aımaqtaǵy» Atyraýda koronavırýs ınfeksııasy nege órshı beredi? Árıne bul saýal jergilikti atqaýshy bılikti ǵana emes, tur­ǵyn­dardy da mazalaıtyny daýsyz. Dárigerlerdiń aıtýynsha, buǵan jasyryn ótkiziletin otbasylyq sharalardyń áseri tıip otyr. Osy oraıda Úkimet janyndaǵy koro­na­vırýstyń taralýyna jol bermeý jónindegi vedomstvoaralyq komıssııanyń málimetine súıensek, bıylǵy 1-10 qańtarda mobıldik toptar 903 reıd júrgizip, 3 769 ny­­san­­dy tekserdi. Reıd kezinde sanı­­tarııalyq-epı­de­mııalyq, karantındik shekteý ta­lap­taryn buzýdyń 28 de­re­gi anyq­tal­dy. Máselen, Qyzylqoǵa aýdanynda otbasylyq is-shara­lardy ótkizýge tyıym salyn­ǵa­ny­na qaramastan, osy kúnderi eki úılený toıy ótkizilipti. Al Aty­raý qalasynda bas memlekettik sanı­tar­lyq dárigerdiń qaýlysyna sáıkes qyzmetine tyıym salyn­ǵan «Regıonbet» loto klýby kelýshi­ler­di jasyryn qabyldaǵany belgi­li boldy.

Sondaı-aq Jylyoı aýdanyn­da­ǵy «Teńiz» vahtalyq qalashy­ǵynda betperde rejimin saqtamaýdyń 2, bekitilgen jumys rejimin buzý­dyń 1 deregi anyqtaldy. Osyn­daı derekke qatysty 22 mate­rı­al áli qaralyp jatyr. Mo­bıl­­di toptar men jergilikti polısııa departamentinen túsken materıal­dar­ǵa qatysty «Ákim­shilik quqyq buzýshylyq týraly» kodeksindegi 425-babynyń 1-bóligine sáıkes jalpy somasy 547 975 teńgeniń 6 aıyppuly salyndy.

Qazir Reseı Federasııasymen shekaradaǵy Qurmanǵazy aýdanynda sanıtarlyq-karantındik beket jumys isteıdi. Munda táýlik boıy adamdardyń el aýmaǵyna kirýine monıtorıng júrgiziledi. Sondaı-aq shekaradan anyqtamasy joq Qazaqstan azamattary PTR-testten ótedi. Karantındik shekteý sharalary engizilgennen beri Atyraý oblysyna 18 526 adam kelgen. Shekaradan ótýshilerge 2 128 PTR zertteý júrgizildi. Sonyń nátı­jesinde Sovid-19 ınfek­sııa­synyń 9 jaǵdaıy anyqtaldy. PTR-test ótkizý úshin karantındik stasıo­nar­larǵa elimizdiń 273 azamaty ornalastyryldy. El aýma­ǵyna 246 sheteldik azamat jibe­ril­gen joq.

Atalǵan beketten sońǵy bir táýlikte Qazaqstannyń 82 azamaty ótken. Onyń ishinde 17 jaıaý júrginshi, júk kólikteriniń 65 júrgizýshisi bar. PTR-test jasalǵan 11 adamda zertteý qorytyndysy teris nátıje kórsetipti. Alaıda Reseı Federasııasynyń bir azamatynda PTR-test nátıjesi týraly anyqtamasy bolmaǵan. Sol sebepten oǵan shekaradan ótýge tyıym salyndy.

Atyraý oblysy