Vaksınalaý pandemııany aýyzdyqtaı ala ma?

Koronavırýs • 22 Qańtar, 2021

Vaksınalaý pandemııany aýyzdyqtaı ala ma?

Elimizde aqpannyń alǵashqy kúninen koronavırýs ınfeksııasyna qarsy jappaı vaksınalaý bastalatyny belgili. Qoǵam bul jaıtty ártúrli qabyldap jatyr. Ekpeden keıin indetten keletin qaýip shynymen seıile me, álde jaǵdaı basqasha órbýi múmkin be degen saýal kópshilikti eleń-alańǵa túsirgeni anyq. Osyǵan qatysty pikir bildirgen S.Asfendııarov atyndaǵy Qazaq ulttyq medısına ýnıversıteti juqpaly jáne tropıkalyq aýrýlar kafedrasynyń mamany Lázzat Ýmeshova vaksınalaý aýrý apanynan shyǵýdyń tóte joly dep esepteıdi.

Arman OKTIаBR

«COVID-19 – vırýstyq ınfeksııa. Sondyqtan vaksına koronavırýs ınfeksııasyna qarsy kúreste jaǵdaıdy jaqsartýǵa kómektesedi», degen maman álemdegi epıdemııalyq jaǵdaıdyń nasharlaýy men koronavırýs ınfeksııasynyń jańa shtammynyń taralýy aıasynda halyqty KVI-ge qarsy vaksınalaýdyń mańyzdylyǵyn atap ótti.

– Aqparat quraldarynan kórip-bilip otyrǵanymyzdaı, Ulybrıtanııada koronavırýstyń jańa shtammy paıda boldy. Ol agressıvti túrde ótýde. Bizdiń eldegi vırýs osy deńgeıge deıin mýtasııaǵa ushyraı ma, joq pa degen suraqqa jaýap berý qıyn. Degenmen elge bul shtammdy Eýropadan bizdiń azamattar ákelýi múmkin. О́ıtkeni qazirgi koronavırýs ta bastapqyda shetelden kelgen azamattarymyz arqyly tutas el aýmaǵyna taraǵan bolatyn, – deıdi ol.

Onyń aıtýynsha, aldyn alýdyń negizgi erejelerin saqtaýdy jalǵastyrý mańyzdy. Medısınalyq betperdeni talapqa saı taǵý ári jıi jańalaý, qoldy sabyndap jýý men dezınfeksııalaý arqyly jeke gıgıenany saqtaý, aýa almaspaıtyn oryndardan alshaq bolý, aýrý anyqtalǵan naýqasty birden oqshaýlaý syndy basty talaptardy jiti qadaǵalaǵan jón.

Sarapshy sońǵy kúnderi Almatyda KVI-men syrqattaný jaǵdaılary eselep ósip jatqanyn atap ótti. Halyqty tumaýǵa qarsy vaksınalaý týraly qabyldanǵan sheshim aıtarlyqtaı nátıje bergenin, sol arqyly kóptegen naýqasta indet jeńil túrde ótip jatqanyn tilge tıek etti.

–Tumaý – aýyr respıratorlyq vırýstyq ınfeksııa, ıntoksıkasııanyń aıqyn belgilerimen júredi. Al sońǵy jyldary pandemııalyq tumaý jaǵdaılary tirkeldi, bul da aýyr vırýstyq pnevmonııany týdyrady. Meniń oıymsha, memleket tumaýǵa qarsy vaksınalaýǵa kóp qarajat bólgeni durys boldy. Eger adamdar tumaý jáne COVID-19-ben qatar aýyrsa, ne bolaryn elestetýdiń ózi qıyn. Álem ǵalymdary osy baǵytta jumys istep jatyr. Ázirge vaksınalaý qıyndyqtan shyǵýdyń eń ońtaıly joly retinde qarastyrylyp otyr», deıdi ol.

Aıta keter bolsaq, Almaty qalasynyń ákimi Baqytjan Saǵyntaevtyń tapsyrmasy boıynsha JRVI-men jappaı syrqattanýshylyqtyń jáne COVID-19-ǵa tumaý vırýsynyń qabattasýynyń aldyn alý úshin jergilikti bıýdjetten táýekel tobyndaǵy adamdardy tegin vaksınalaý maqsatynda «Grıppol Plıýs» tumaýǵa qarsy úshvalentti vaksınasynyń 430 myń dozasy satyp alynǵan bolatyn.

ALMATY