Qos qoıylym

Táýelsizdik merekesi qarsańynda Túrkistan sazdy-drama teatry búgingi kúnniń eń ózekti máseleleriniń biri – shetelge bala satý problemasyna arnalǵan «Tiri jan» atty dramany kórermenge usyndy. Bul shyǵarma kezinde Qazaqstan Respýblıkasy Ulttyq kitaphanasy ótkizgen dramalyq shyǵarmalardyń jabyq báıgesinde júldege ıe bolǵan edi. Ony sahnalaǵan – ónertaný ǵylymdarynyń kandıdaty, professor Kárimbek Seıitmetov. Aldanyp qalǵan jas kelinshek Ulmeken (Gúlzada Aıtbaeva), jylpos jigit Pa­zık (Jandos Mahanov), sheteldik bıznes ókili Elton myrza (Sháken Aman­turov), t.b. óz rólderin asa she­ber­­lik­pen oryndap, kóp kóńilinen shyqty.

Táýelsizdik merekesi qarsańynda Túrkistan sazdy-drama teatry búgingi kúnniń eń ózekti máseleleriniń biri – shetelge bala satý problemasyna arnalǵan «Tiri jan» atty dramany kórermenge usyndy. Bul shyǵarma kezinde Qazaqstan Respýblıkasy Ulttyq kitaphanasy ótkizgen dramalyq shyǵarmalardyń jabyq báıgesinde júldege ıe bolǵan edi. Ony sahnalaǵan – ónertaný ǵylymdarynyń kandıdaty, professor Kárimbek Seıitmetov. Aldanyp qalǵan jas kelinshek Ulmeken (Gúlzada Aıtbaeva), jylpos jigit Pa­zık (Jandos Mahanov), sheteldik bıznes ókili Elton myrza (Sháken Aman­turov), t.b. óz rólderin asa she­ber­­lik­pen oryndap, kóp kóńilinen shyqty.

Ekinshi spektakldi Q.Jandarbekov atyndaǵy Jetisaı drama teatry sahnalady. «Aı astyndaǵy altyn shahar» atty spektakldiń negizgi oqıǵa jelisinde – bir otbasyndaǵy tragedııalyq ahýal sóz bolady. Spektakldiń rejısseri – halyqaralyq teatrlar festıvaliniń laýreaty, kásibı «Eńlikgúl» syılyǵynyń ıegeri Qýandyq Qasymov. О́z sharanasynan jerigen jas kelin Nurǵanym (S.Aıdarova), kóregen ana Balym (U.Bazarbaeva), keıýanalar Názıpa (M.Jumadildaeva) men Shárıpa (A.Rametova), t.b. shyǵarma mazmunyn barynsha asha túsken. Ásirese, munda eneler men kelinder arasyndaǵy búgingi qarym-qatynas jaıy barynsha shynaıy kórinis tapqan. Shymyr tartys bar. Aıta ketý kerek, «Aı astyndaǵy altyn shahar» – Mádenıet mınıstrligi 2011 jyly jarııalaǵan Táýelsizdiktiń 20 jyldyǵyna arnalǵan dramalyq shyǵarmalar konkýrsynda arnaıy júlde alǵan pesa.

 Bul eki pesanyń da avtory – belgili jazýshy-dramatýrg, birqatar ádebı báıgelerdiń jeńimpazy, Qazaqstannyń eńbek sińirgen qaıratkeri Joltaı Álmashuly.

Eki qoıylymdaǵy kóterilgen ómir­lik-taǵdyrlyq máseleler kórer­men­derdi beıjaı qaldyrmaıtyny anyq.

Aınur NAIMANBAI,

mádenıettanýshy.