«Táýelsizdik jáne ádebıet»

Almatydaǵy S.Muqanov pen Ǵ.Mú­­­sirepovtiń memlekettik ádebı-memo­rıaldyq murajaı kesheninde «Táýelsizdik jáne ádebıet» degen taqyrypta kórme uıym­dastyrylyp, ádebı kesh ótti.

Almatydaǵy S.Muqanov pen Ǵ.Mú­­­sirepovtiń memlekettik ádebı-memo­rıaldyq murajaı kesheninde «Táýelsizdik jáne ádebıet» degen taqyrypta kórme uıym­dastyrylyp, ádebı kesh ótti.Oǵan M.Áýezov atyndaǵy Ádebıet jáne óner ınstıtýtynyń «Táýelsizdik dáýirindegi ádebıet» bóliminiń aǵa ǵylymı qyzmetkeri, fılologııa ǵylymdarynyń doktory, jazýshy Nurdáýlet Aqysh, «Abaıtaný já­ne jańa dáýir ádebıeti» bóliminiń meń­ge­rýshisi, fılologııa ǵylymdarynyń kandıdaty Serikqazy Qorabaı qatysyp, elimiz egemendik alǵannan bergi jyldardaǵy rýhanı álemimizdi baıytqan ádebı qun­dylyqtarymyz týraly, ınstıtýt ǵa­lymdary ázirlep jaryqqa shyǵarǵan 100 tomdyq «Babalar sózi», 10 tomdyq «Qazaq ádebıetiniń tarıhy», 25 tomy jaryq kórgen «Klassıkalyq zertteýler», t.b. týraly keńinen áńgimeledi. «Klassıkalyq zertteýlerge» S.Muqanovtyń «HH ǵa­syr­daǵy qazaq ádebıeti» (1932), Ǵ.Mú­si­repovtiń «Sýretker paryzy» (1970) atty eńbekteri engen. Ǵylymı kitaptar murajaı kesheni qoryna syıǵa tartyldy.

Kórme-keshke Qazaq memlekettik qyzdar pedagogıkalyq ýnıversıtetiniń stýdentteri, №2 daryndy balalar mektep-gımnazııasynyń shákirtteri qatysty. Ánshi Saıat Nurǵazın júrek terber án-shashý shashty. Kórme-keshti murajaı kesheniniń dırektory, aqyn Ádilǵazy Qaıyrbekov ashyp, qorytyndylady.

Nazgúl ALTAEVA.

Almaty.