Aımaqtar • 22 Qańtar, 2021

Aqtóbe oblysyndaǵy kenishtegi jazataıym oqıǵanyń sebebi anyqtaldy

9 ret kórsetildi

Aqtóbe oblysynyń Hromtaý aýdanyndaǵy «Vesenne – Aralchınskıı» jerasty kenishindegi toptyq jazataıym oqıǵanyń mán-jaıyn tergep-tekserý úshin QR Eńbek jáne halyqty áleýmettik qorǵaý mınıstrligi qurǵan komıssııa 4 jumysshynyń qaza bolýynyń negizgi sebepterin anyqtady, dep habarlaıdy Egemen.kz.

Budan buryn habarlanǵandaı, jazataıym oqıǵa 2020 jylǵy 30 jeltoqsanda keshke jarylys jumystaryn oryndaý kezinde oryn alǵan. «Aqtóbe Mys kompanııasy» JShS qyzmetkerleri: taý-ken sheberi Ashat Qaıqanov, jarýshylar Rýstam Shámetov pen Denıs Chernyı, jerasty ózdiginen júretin mashınalardyń mashınısi Berik Jaqypov oqıǵa qurbandary boldy.

Eńbekmıni toptyq jazataıym oqıǵanyń mán-jaılary men sebepterin tergep-tekserý úshin Aqtóbe oblysy boıynsha bas memlekettik eńbek ınspektory Salamat Amanbaevtyń tóraǵalyǵymen arnaıy komıssııa qurdy.

Osy jazataıym oqıǵaǵa ákep soqqan mán-jaılardy jan-jaqty jáne obektıvti zerdelep, kýágerlerden suraý barysynda jınalǵan barlyq dáleldemeler bazasyn eskere otyryp jáne jumys berýshiniń tehnıkalyq qujattamasy men materıaldaryn zerdeleý nátıjeleri boıynsha komıssııa osy jazataıym oqıǵa óndirispen baılanysty degen qorytyndyǵa keldi.

Komıssııa mynadaı negizgi sebepterdi anyqtady: jumyskerlerdiń ózderiniń óreskel abaısyzdyǵy; jumys berýshiniń eńbek qaýipsizdigi jáne eńbekti qorǵaý erejelerin buzýy; jumys óndirisiniń tıisinshe uıymdastyrylmaýy.

Komıssııa músheleri qaza tapqan qyzmetkerlerdiń týystarymen kezdesip, olarǵa qoldanystaǵy zańnamaǵa sáıkes áleýmettik qorǵaýǵa zańdy quqyqtaryn túsindirdi.

Arnaıy tergep-tekserý materıaldary prosestik sheshimder qabyldaý úshin Aqtóbe qalasynyń quqyq qorǵaý organdaryna berildi.

Sońǵy jańalyqtar

Áýlıe ata hám uly jyraý

Rýhanııat • Búgin, 23:01

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar