Qazaqstan Respýblıkasy Táýelsizdiginiń 22 jyldyǵyna oraı Máskeýde saltanatty qabyldaý bolyp ótti. Oǵan Reseı Prezıdenti ákimshiliginiń, Úkimetiniń ókilderi, Memlekettik dýma men Federaldy jınalysy Federasııa keńesiniń depýtattary, syrtqy saıasat vedomstvosynyń basshylyǵy, birqatar mınıstrlikter men memlekettik organdardyń qyzmetkerleri qatysty.
Qazaqstan Respýblıkasy Táýelsizdiginiń 22 jyldyǵyna oraı Máskeýde saltanatty qabyldaý bolyp ótti. Oǵan Reseı Prezıdenti ákimshiliginiń, Úkimetiniń ókilderi, Memlekettik dýma men Federaldy jınalysy Federasııa keńesiniń depýtattary, syrtqy saıasat vedomstvosynyń basshylyǵy, birqatar mınıstrlikter men memlekettik organdardyń qyzmetkerleri qatysty.
Qazaqstanǵa ózderiniń qurmetterin Máskeýde tirkelgen dıplomatııalyq korpýstyń, halyqaralyq uıymdardyń, iskerlik jáne akademııalyq toptardyń, jurtshylyqtyń, qazaq dıasporasynyń, BAQ-tardyń ókilderi, ardagerler, sondaı-aq, Reseıde oqıtyn qazaqstandyq stýdentter de bildirdi.
О́ziniń sózinde Qazaqstannyń Reseıdegi elshisi Ǵalym Orazbaqov Táýelsizdik jyldarynda Qazaqstannyń júrip ótken joly týraly keńinen áńgimelep berdi. Jalpy, eki memleket arasynda izgi kórshilestik pen strategııalyq áriptestiktiń berik irgetasy qalyptasqany atap kórsetildi.
* * *
Qazaqstan Táýelsizdiginiń ulyq merekesine oraı Qytaı astanasy – Beıjiń qalasynda saltanatty qabyldaý boldy. Sharaǵa Qytaıdyń memlekettik organdarynyń basshylary, sheteldik dıplomatııalyq mıssııalar men halyqaralyq uıymdardyń jetekshileri, qoǵam qaıratkerleri, iskerlik jáne ǵylymı toptar men QHR-daǵy qazaq dıasporasynyń ókilderi qatysty.
Qabyldaý kezinde Qazaqstannyń Qytaıdaǵy elshisi Nurlan Ermekbaev pen QHR Syrtqy ister mınıstriniń orynbasary Chen Gopın sóz sóıledi. Olar eki el arasynda dıplomatııalyq qarym-qatynas ornaǵan 22 jyl ishinde Qazaqstan-Qytaı yntymaqtastyǵy strategııalyq áriptestiktiń bıik deńgeıine kóterilgenin atap kórsetti.
Qabyldaýǵa qatysýshylarǵa Qazaqstandy jáne eki eldiń yntamaqtastyǵyn aıǵaqtaıtyn beınefılmder men fotosýret kórmesi usynyldy.
* * *
Qazaqstannyń Germanııadaǵy elshiligi Qazaqstan Táýelsizdigi kúnine oraı merekelik konsert pen saltanatty qabyldaý uıymdastyrdy. Qazaqstandyqtardy ulttyq merekemen quttyqtaýǵa 1 myńnan astam meıman qatyssa, aralarynda GFR-diń kórnekti qoǵam jáne saıası qaıratkerleri, Býndestag pen jer landtagtarynyń depýtattary, mınıstrlikter men vedomstvolardyń basshylary, mádenıet qaıratkerleri, Berlınde tirkelgen dıplomatııalyq korpýstyń, BAQ-tardyń, qazaq dıasporasynyń, stýdent jastardyń, sondaı-aq, Germanııa isker toptarynyń ókilderi keldi.
Qabyldaýǵa GFR Syrtqy ister mınıstri Gıdo Vestervelleniń qatysýy yntymaqtastyqtyń joǵary deńgeıi men Germanııanyń Qazaqstanǵa erekshe kózqarasyn aıǵaqtap berdi. Qazaqstannyń Germanııadaǵy elshisi Nurlan Onjanov nemis áriptesterine Qazaqstan basshysy Nursultan Nazarbaev pen Germanııa kansleri Angela Merkeldiń 2012 jyldyń aqpanynda ótken Berlındegi kelissózderi barysynda qol jetkizilgen ózara tıimdi yntymaqtastyqty oryndaý jolyndaǵy áreketteri úshin rızashylyǵyn bildirdi. Jáne ol eki eldiń halyqaralyq uıymdar aıasyndaǵy ózara is-qımylyn joǵary baǵalady.
Saltanatty kesh sońy E.Qusaıynovtyń basqarýyndaǵy folklorlyq ansambldiń tamasha konsertine ulasty.
* * *
Qazaqstan Respýblıkasynyń Táýelsizdik kúnine arnalǵan saltanatty qabyldaý Fransııa astanasy – Parıj qalasyndaǵy bedeldi «Dofın» pavılonynda uıymdastyryldy. Qazaqstandyqtardy ulttyq merekemen quttyqtaýǵa kórnekti saıası jáne qoǵam qaıratkerleri, ǵylym men mádenıet, iskerlik toptar, dıplomatııalyq korpýs pen halyqaralyq uıymdar ókilderi, sondaı-aq, qazaq dıasporasy men stýdent jastar keldi.
Saltanatty qabyldaý sheńberinde Qazaqstannyń eńbek sińirgen qaıratkeri Edil Qusaıynovtyń basqarýyndaǵy folklorlyq-etnografııalyq ansambli óner kórsetti. Qazaqstan tarapyna Senattyń burynǵy tóraǵasy Krıstıan Ponsele, «Fransııa-Ortalyq Azııa» dostyq tobynyń tóraǵasy, senator Andre Dıýle, Halyqaralyq kórmeler bıýrosynyń Bas hatshysy Vısente Lossertales, IýNESKO-nyń Kommýnıkasııa jáne aqparat máseleleri jónindegi bas dırektorynyń orynbasary Iаnıs Karklıns, «Fransııa-Qazaqstan» Iskerlik keńesiniń teń tóraǵasy Iv-Lýı Darrıkarer, t.b. izgi tilekterin bildirdi.
* * *
Rım qalasynda Qazaqstan Táýelsizdigi kúnine oraı saltanatty qabyldaý boldy. Oǵan Italııa Parlamenti men mınıstrlikteriniń kórnekti ókilderi, saıası jáne isker toptar, jurtshylyq, osynda tirkelgen sheteldik dıplomattar, jergilikti estrada juldyzdary, jetekshi BAQ-tar ókilderi qatysty.
Sharany asha kelip, Qazaqstannyń Italııadaǵy elshisi Andrıan Elemesov Qazaqstan damýynyń saıası jáne áleýmettik-ekonomıkalyq negizgi tabystary týraly aıtyp berdi. Qabyldaý barysynda ıtalııalyq áriptester Qazaqstan halqyna ózderiniń júrekjardy lebizderin bildirip, ósip-órkendeý tiledi. Qabyldaý meımandaryn óziniń ónerimen álemdik aýqymdaǵy Italııa juldyzy Al Bano men Pýpo tánti etti.
Merekelik kóńil kúıdi Qazaq ulttyq óner ýnıversıtetiniń stýdentteri daıyndaǵan mádenı baǵdarlama odan saıyn kótere tústi.
* * *
Madrıdte Qazaqstan Respýblıkasy Táýelsizdiginiń 22 jyldyǵyna arnalǵan saltanatty qabyldaý bolyp ótti. Oǵan Ispanııanyń joǵary laýazymdy saıası qaıratkerleri, Parlament depýtattary, SIM jáne memlekettik mekemeler basshylyǵy, eń iri ıspandyq kompanııalar basshylary, qoǵamdyq-saıası jáne mádenı toptardyń, dıplomatııalyq korpýstyń, qazaq dıasporasynyń jáne BAQ-tardyń ókilderi qatysty.
Atap aıtqanda, Parlament Senaty Tóraǵasynyń birinshi orynbasary Hýan Hose Lýkas, Qorǵanys mınıstri Pedro Morenes, Dúnıejúzilik týrıstik uıymynyń atqarýshy dırektory Zoltan Shomogı, Koroldik saıası ǵylymdar akademııasynyń prezıdenti, burynǵy Syrtqy ister mınıstri Valıno Oreha, «EFE» Halyqaralyq ıspan aqparat agenttiginiń prezıdenti Hose Antonıo Vera, «World Stability Observatory» bedeldi taldaý ortalyǵynyń prezıdenti, belgili saıasatker, burynǵy senator Lýıs Fraga jáne t.b. keldi.
О́ziniń sózinde Qazaqstannyń Ispanııadaǵy elshisi Baqyt Dúısenbaev qatysýshylardy Elbasymyzdyń basshylyǵymen ótkiziletin ekonomıkalyq reformalar barysy, saıası ózgerister men Qazaqstannyń jetistikteri týraly habardar etti.
Is-shara sheńberinde aqparattyq-ımıdjdik materıaldar taratyldy, Qazaqstan týraly taqyryptyq fotokórme uıymdastyrylyp, meımandarǵa ulttyq taǵamdar usynyldy.
* * *
Qazaqstannyń Brazılııadaǵy elshiligi Tuńǵysh Prezıdent kúni men Qazaqstan Respýblıkasy Táýelsizdiginiń 22 jyldyǵyna oraı saltanatty qabyldaý uıymdastyrdy. Resmı shara, sondaı-aq, Qazaqstan men Brazılııa arasynda dıplomatııalyq baılanys ornaýynyń 20 jyldyǵyna arnaldy.
Saltanatty keshke aralarynda Brazılııa Ulttyq kongresiniń senatorlary men depýtattary, mınıstrlikter men memlekettik organdardyń basshylary, Brazılııada tirkelgen dıplomatııalyq mıssııalar jetekshileri, qoǵam jáne saıası qaıratkerler, isker toptar men BAQ-tar ókilderi qatysty.
Brazılııa Syrtqy baılanystar mınıstriniń orynbasary Marııa Reıs óziniń sózinde eki el arasyndaǵy qarym-qatynastyń dostyq sıpatyn erekshe atap kórsetti. Sondaı-aq, ol Qazaqstan men Brazılııanyń óz óńirlerindegi kóshbasshylyǵyna, eki eldiń halyqaralyq arenadaǵy joǵary bedeline aıryqsha nazar aýdardy. Mysal úshin, ol 2014 jyly Brazılııada fýtboldan álem chempıonaty, 2016 jyly Jazǵy olımpııa oıyndary, al Qazaqstanda 2017 jyly EKSPO-2017 kórmesi ótetinin kóldeneń tartty.
Saltanatty kesh qazaqtyń ulttyq áýenimen, fotokórmemen, Memleket basshysy týraly jáne jalpy Qazaqstan týraly beınerolık kórsetýmen árlene tústi.
Sáýlebek BIRJAN.
