Qazaqstan • 22 Qańtar, 2021

«Rýhanı jańǵyrý» baǵdarlamasynyń júzege asyrylýy talqylandy

22 ret kórsetildi

Ál-Farabı atyndaǵy Qazaq ulttyq ýnıversıtetinde Aqparat jáne qoǵamdyq damý mınıstri Aıda Balaevanyń Almaty qalasynyń joǵary oqý oryndarynyń rektorlarymen kezdesýi ótti.

Kezdesý barysynda «Rýhanı jańǵyrý» baǵdarlamasynyń aǵymdaǵy nátıjeleri, «Rýhanı jańǵyrý» baǵdarlamasynyń Ulttyq jańǵyrý kezeńine kóshýi boıynsha Jol kartasy jobasy, sondaı-aq qoǵamdyq sanany jańǵyrtý aıasynda bilim berý salasynyń ózekti máseleleri jáne «Rýhanı jańǵyrý» qaǵıdattaryn bilim berý prosesine ıntegrasııalaý máseleleri talqylandy.

Baǵdarlamany júzege asyrýdaǵy bilim berý ınstıtýttarynyń erekshe rólin: «Búgingi tańda qazaqstandyq joǵary oqý oryndary adamı kapıtaldy qalyptastyrý sýbektileri retinde kásibı mamandardy ǵana emes, sondaı-aq joǵary rýhanı qundylyqtary bar, básekege qabiletti jáne sanasy ashyq azamattardy qalyptastyra otyryp, jastar arasynda qoǵamdyq sanany jańǵyrtýdyń negizgi draıverleri bolyp tabylady», – dep atap ótti Aıda Balaeva

Baǵdarlamany iske asyrýdyń úsh jylynda onyń negizgi baǵyttary boıynsha keshendi jumys júrgizildi. Baǵdarlamany basqarý boıynsha jergilikti atqarýshy organdar jáne óńirlik jobalyq keńselermen jumys jandandyryldy; taldamalyq jáne ádistemelik súıemeldeýdi qamtamasyz etetin qazaqstandyq qoǵamdyq damý ınstıtýtynyń qyzmeti jolǵa qoıyldy.

Jańa tásilder men tetikterdi engizýdi eskere otyryp, 2020 jylǵa arnalǵan «Rýhanı jańǵyrý» baǵdarlamasynyń is-sharalar jospary iske asyryldy. Jospar sheńberinde 3 negizgi qundylyq baǵyty boıynsha is-sharalar kózdelgen – «tulǵalyq damý», «ulttyq biregeılik jáne halyqaralyq mártebeni arttyrý», «memlekettiń, azamattyq qoǵamnyń jáne jergilikti qoǵamdastyqtardyń damýy».

2020 jyly Baǵdarlama aıasynda óńirlerde 8 mln. jýyq adamdy qamtı otyryp, 30 000 astam is-shara ótkizildi. Halyqtyń «Rýhanı jańǵyrý» baǵdarlamasyn iske asyrýǵa qatysý úlesi 32,8% qurady.

2020 jyly «Týǵan jer» arnaıy jobasy sheńberinde mesenattar esebinen 537 áleýmettik mańyzy bar 445 nysan salyndy jáne qaıta jańartyldy, 1 231 mesenat negizgi óńirlik ınfraqurylymdyq obektilerdi damytýǵa 10 mlrd. teńge ınvestısııa saldy.

Sondaı-aq, ótken jyly tulǵalyq damýǵa baǵyttalǵan jańa 4 arnaıy joba engizildi:  «Únem – qoǵam qýaty», «Dástúr men ǵuryp», «Quqyqtyq mádenıet» jáne «Eńbek – eldiń muraty».

Qazaqstandyqtardyń qundylyq baǵdarlary júıesine pragmatıkalyq ómir saltyn engizý, halyqtyń quqyqtyq mádenıetin qalyptastyrý, eńbeksúıgishtik, utymdy minez-qulyq, dástúrler men ádet-ǵuryptardy jańǵyrtý ıdeıalaryn qamtıtyn «Rýhanı jańǵyrý» baǵdarlamasynyń jańa arnaıy jobalaryn iske asyrý qoǵamnyń damýyna jáne qazaqstandyqtardyń áleýmettik minez-qulqynyń ózgerýine ákeledi.

Quramyna belgili qoǵam qaıratkerleri, ǵalymdar, túrli qyzmet salalaryndaǵy sarapshylar engizilgen qazirgi zamannyń ózekti taqyryptaryn talqylaý boıynsha «Azamattyq alań» pikirtalas alańynyń otyrystary ótkizilýde.

Sondaı-aq, Mınıstrlikpen Telegram áleýmettik jelisinde «Rýhanı jańǵyrý» baǵdarlamasynyń aǵymdaǵy nátıjeleri men «Azamattyq alań» pikirtalas alańynyń qyzmeti týraly aqparattyq arna iske qosyldy, Baǵdarlamanyń «Ruh.kz» resmı portalynyń jumysy jandandyryldy.

Búgingi tańda «Rýhanı jańǵyrý» baǵdarlamasynyń Ulttyq jańǵyrý kezeńine kóshýi boıynsha Jol kartasy jobasy ázirlenýde. Jol kartasynyń josparlanǵan is-sharalary men jobalary halyqtyń jas erekshelikterine sáıkes daıyndalǵan.

Josparlanǵan is-sharalardy tıimdi iske asyrý úshin naqty usynymdar ázirlenedi jáne jumysta paıdalaný úshin memlekettik organdarǵa jiberiledi.

Búginde «Rýhanı jańǵyrý» baǵdarlamasy – adamı  kapıtaldy damytýdyń negizgi tujyrymdamasy jáne qoǵam úshin jańa ıdeologııalyq kún tártibin qurý tetigi.

Qazirgi zamanǵy táýekelder men jahandaný jaǵdaıynda rýhanı qundylyqtardyń jandanýy, adamnyń básekege qabilettiligin arttyrý, pragmatızmdi damytý, ulttyq biregeılikti saqtaý, azamattardyń bilimi men sananyń ashyqtyǵyn nasıhattaý qazaqstandyqtardyń bolashaqtaǵy negizgi baǵdarlary bolyp tabylady. 

 

Sońǵy jańalyqtar

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar