Aqtóbe oblysynyń tilderdi damytý basqarmasynyń uıymdastyrýymen oblys ákimi Arhımed Muhambetovtiń memlekettik tildi jetik meńgerip, qoǵamdyq ómir men shyǵarmashylyqta belsendi paıdalanatyn ózge ult jastarymen kezdesýi ótkizildi. О́ńir basshysymen kezdesýge ártúrli salada qyzmet etetin memlekettik tildi jetik meńgergen táýelsizdik qurdastary-jastar, oblystyq basqarmalardyń basshylary, oblystaǵy jastar uıymdarynyń ókilderi qatysty.
Aqtóbe oblysynyń tilderdi damytý basqarmasynyń uıymdastyrýymen oblys ákimi Arhımed Muhambetovtiń memlekettik tildi jetik meńgerip, qoǵamdyq ómir men shyǵarmashylyqta belsendi paıdalanatyn ózge ult jastarymen kezdesýi ótkizildi. О́ńir basshysymen kezdesýge ártúrli salada qyzmet etetin memlekettik tildi jetik meńgergen táýelsizdik qurdastary-jastar, oblystyq basqarmalardyń basshylary, oblystaǵy jastar uıymdarynyń ókilderi qatysty.
Kezdesýde oblys basshysy memlekettik tildi meńgerýdiń ómirlik qajettilikten týyp otyrǵanyn, qazaq tilin oqyp-úırený árkimniń óz erkinde ekenin, alaıda, memlekettik tildi ıgerýge nıettilerge jaǵdaı týǵyzyp, qoldaý kórsetý jergilikti bıliktiń mindeti bolyp tabylatynyn jetkizdi. Táýelsizdik qurdastaryna ózge ult ókilderi bola tura memlekettik tildi ıgerýge degen qushtarlyqtary, qazaq tiline degen qurmeti úshin rızashylyǵyn bildirdi.
Oblystyq tilderdi damytý basqarmasynyń basshysy Gúlaıym Tólebaeva osy baǵytta atqarylǵan jumystarǵa toqtaldy. Onyń málimdeýinshe, qazir oblysta memlekettik tildi meńgergenderdiń úlesi 85 paıyzdy quraıdy. Zertteý qorytyndysy boıynsha, qazaq tilin oqyp-meńgerý qajet dep sanaıtyn turǵyndar úlesi 90 paıyzdy qurasa, ózge ult ókilderiniń memlekettik tildi meńgerý deńgeıi 21,3 paıyz bolyp otyr.
2013 jyly oqytý ortalyǵynda memlekettik tildi oqytýmen qamtylǵan tyńdaýshylardyń 33 paıyzy ózge ult ókilderi boldy. Oblystaǵy 19 etno-mádenı ortalyqtar janyndaǵy 6 jeksenbilik mektepte 281 ózge ult ókili ana tilderin, 265 ózge ult ókili memlekettik tildi oqyp-úırenýde. Búgingi kúni mektepke deıingi bilim mekemelerinde ózge ulttardyń 721 búldirshini, jalpy mektepterde 437 balasy qazaq tilinde bilim-tárbıe alýyn olar balalarynyń bolashaǵyn qazaq elimen, qazaq tilimen baılanystyratynynyń birden-bir dáleli bolyp tabylady.
Kezdesýde Aqtóbe gýmanıtarlyq kolledjiniń stýdenti Tatıana Shırıaeva, Q.Jubanov atyndaǵy Aqtóbe memlekettik óńirlik ýnıversıtetiniń stýdenti Marat Zııadıev, «Aqtóbe hrom qosyndylary zaýyty» AQ hatshy-referenti Natalıa Kýndıýs taza qazaq tilinde sóılep, memlekettik tildi oqyp-úırený, bilý ár qazaqstandyqtyń azamattyq paryzy, memleket qurýshy qazaq halqyna degen qurmeti degen oı túıdi.
Satybaldy SÁÝIRBAI,
«Egemen Qazaqstan».
Aqtóbe oblysy.
