Aımaqtar • 22 Qańtar, 2021

Almatynyń AT-arhıtektýra jospary bekitildi

30 ret kórsetildi

Almaty ákimi Baqytjan Saǵyntaev pen Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń qatysýymen ótken AT-keńeste megapolıstiń tynys-tirshiligin qamtamasyz etetin sıfrlandyrý júıesin damytýdyń basty baǵyttary qaraldy.

AT-keńesine qatysýshylar 2020 jyly atqarylǵan jumystardy qorytyndylaı kele AT-kásipkerlikti qoldaý, AT- qyzmetterin sıfrlandyrý men eksporttaýdy damytý úshin jaǵdaı jasaý jáne memlekettik organdarmen ózara is-áreket etý jónindegi bastamalardy talqylady.

«Jol kartasy» aıasynda 2020 jyly TÚKSh, kólik, halyqqa qyzmet kórsetý, bilim berý jáne densaýlyq saqtaý salalarynda jobalar iske asyryldy. Sonymen qatar, ótken jyly qala ekonomıkasynyń qajettilikteri úshin sıfrlyq ónimderdi jetkizýshiler sany 65 baǵdarlamashyǵa deıin ósti, onyń 50%-y startap-jobalar. Sonymen qatar, 2021 jylǵa arnalǵan «Jol kartasy» jańartyldy.

Almaty ákimi B. Saǵyntaev qalada aqparattyq tehnologııalardy tabysty damytý úshin barlyq komponentter bar - jergilikti bılik tarapynan qoldaý, damyǵan ýnıversıtettik orta jáne oqyǵan jergilikti qoǵamdastyq bar ekenin atap ótti.

Keńes músheleri megapolıs Ortalyq Azııa aımaǵynda AT-tehnologııalardy damytýdaǵy eń ozyq ekenin basa aıtty. Aqparattyq tehnologııalar salasyn qalanyń ekonomıkalyq sektorynyń kóshbasshysyna aınaldyrý úshin Almatynyń adamı áleýeti joǵary.

Almaty qalasynyń ákimi Baqytjan Saǵyntaev pen QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Almatyda «Zerde» holdıngimen birlesip ázirlengen AT-arhıtektýrasyn qalyptastyrýdyń maqsatty josparyna qol qoıdy.

Onda megapolısti sıfrlandyrý jaǵdaıy taldanady, sondaı-aq turǵyndar, bıznes pen memlekettiń ózara is-qımylynyń dástúrli formalaryn jetildirýge baǵyttalǵan basym jobalar anyqtalady. AT-arhıtektýrasynyń maqsatty kúıi sheńberinde ár túrli baǵyttardy ári qaraı damytý jáne Smart City tehnologııalyq platformasynyń tetikterin júzege asyrý sóz boldy.

Sońǵy jańalyqtar

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar