Almatylyqtar Kók-Tóbege barar joldaǵy aǵashtardyń kesilip jatqanyna shaǵymdandy. Vıdeo áleýmettik jelilerde taraǵan. Kadrlarda birneshe er adamnyń aǵash butaqtaryn býldozerge jınap jatqanyn kórýge bolady. Qala ákimdigi oqıǵaǵa qatysty pikir bildirdi.
Jazba Facebook-tegi "Dejýrnyı po gorodý" tobynda paıda boldy.
"Kók-Tóbege barar jolda aǵashtardy kesip jatyr. Ruqsatsyz bolsa kerek. Qyzyǵýshylyq tanytyp surap kórip edik aǵash tıegen kólik tez ketip qaldy", deıdi basylym avtory.
Almaty ákimdigi aǵashtardy kesýge ruqsat berilmegenin habarlady.
"Jasyl ekonomıka basqarmasyna aǵashtardy kesýge ótinish túsken joq, sáıkesinshe ruqsat berilmedi", dep habarlady vedomstvo ókilderi.
Aıta keteıik, buǵan deıin almatylyqtar Áýezov pen Tóle bı kósheleriniń qıylysyndaǵy aǵashtardyń kesilýine narazy bolǵan edi.
