Taraz qalasynda Kenen Ázirbaev atyndaǵy «Shyrqa, daýsym!» dep atalatyn VII respýblıkalyq konkýrs bolyp ótti.
Taraz qalasynda Kenen Ázirbaev atyndaǵy «Shyrqa, daýsym!» dep atalatyn VII respýblıkalyq konkýrs bolyp ótti.Oǵan konkýrs ıeleri – jambyldyq talanttardy aıtpaǵanda, Ońtústik Qazaqstan, Almaty oblystarymen birge Astana jáne Almaty qalalarynan kelgen 18-35 jas aralyǵyndaǵy 28 ánshi qatysty.
Kúmis kómeı ánshilerdiń óneri synǵa túsken konkýrs qorytyndysy boıynsha bas júldege tigilgen 500 myń teńgeni almatylyq talantty ánshi Araı Asqap jeńip aldy. Ata-babasynyń kindik qany tamǵan qazaq jerine Qytaı elinen saǵynyshpen kelgen arý qyzdyń bul jeńisin án básekesindegi alǵashqy tabysy dep baǵalaýǵa bolady. Birinshi orynǵa beriletin 200 myń teńgeni tarazdyq ánshi Erlan Ibadildaev pen Taldyqorǵan qalasynan kelgen jez tańdaı Raýan Ábilbaev ıelendi. Ekinshi orynnyń enshisindegi 150 myń teńgeni Jambyl oblysynyń daryndy uly Kamal Narbatyrov pen Almaty oblysynyń ózindik órnegi bar ónerpazy Orazáli Jańabaev aldy. Úshinshi orynǵa tıesili 100 myń teńge astanalyq ánshi Názıra Beısenova men Ońtústik Qazaqstan oblysynyń túlegi Erǵalı Aǵaıdarovqa buıyrdy.
Kósemáli SÁTTIBAIULY,
«Egemen Qazaqstan».
TARAZ.
