Tehnologııa • 25 Qańtar, 2021

Sıfrly ofıser de bolýy múmkin

16 ret kórsetildi

Tehnologııa qarqyndy damyp jatqan ǵasyr­­da armııanyń básekege qabilettiligi kóbi­nese sıfrlandyrý deńgeıine baılanysty. Qorǵanys mınıstriniń orynbasary Daryn Tuıaqovtyń oıyn­sha, bul qadam sıfrly trans­formasııadan bastalýy tıis. Sol sebep­ti eń aldymen Qor­ǵanys mınıstrligi men Qarýly Kúshterde aq­parattyq-tehno­logııa­­lyq arhıtektýrany ázirleý qajet.

Bul týraly Qorǵanys mınıstrliginde Daryn Tuıaqovtyń basshylyǵymen ótken vedomstvonyń aqpa­rattyq-tehnologııalyq arhıtektýrasyn ázir­­leý máselesi jónindegi keńeste aıtyldy. Vıse-mınıstrdiń aıtýynsha, jańa qurylymdy uıymdas­tyrý bes kezeńnen turady. Olar qyzmetti, máli­metterdi, aqparattyq júıelerdi, aqparattyq-kom­mýnıkasııalyq ınfraqurylymdy jáne kıber­qaýipsizdikti qamtıdy.

Ár bólimshede sıfrly ofıser laýazymyn en­gizýdi usyný josparlanýda. Qurylǵan mamandar kor­pýsy memlekettik organdardyń sıfrly transfor­masııasy máselelerimen aınalysatyn bolady. Qa­zirgi ýaqytta Qorǵanys mınıstrligi men Qarýly Kúsh­­terdi aqparattandyrýdyń ortamerzimdi jospa­ryn jasaý jumystary júrgizilip, IT-arhıtek­týrany damytýdyń basym baǵyttary aıqyndalýda. 

Birinshi kezeńde sıfrlandyrýdyń aǵymdyq ahýaly zerdelenedi. Júrgizilgen monıtorıng memlekettik organnyń IT-strategııasyn anyqtaýǵa jáne kúshter men quraldardy az shyǵyndaı otyryp, qolda bar­ resýrs­tardy utymdy paıdalanýǵa múmkindik beredi. Úderister men memlekettik qyzmetterdi avto­mattandyrýdyń ońtaıly deńgeıi men formaty tań­dalatyn bolady.

Qazaqstan áskeri memlekettiń qaýipsizdigi men táýelsizdigin qamtamasyz etetindikten, sıfrly transformasııa úderisinen shet qala almaıdy.

Sońǵy jańalyqtar

Erbosynulyn aýyr synaq kútip tur

Kásipqoı boks • Keshe

Uqsas jańalyqtar