Aımaqtar • 25 Qańtar, 2021

Jańa quraldarǵa qarsy jańa tásilder

11 ret kórsetildi

Almaty oblysyna qarasty «Ile» polıgonynda desanttyq shabýyldaý­shy áskerlerdiń jaýyngerlik oqý-jattyǵý jıyny ótti. Jattyǵý barysynda tájirıbe júzinde ushqyshsyz ushý apparattarymen kúresýdiń jańa tásilderi qoldanyldy. Jıynǵa Qorǵanys mınıstri Nurlan Ermekbaev qatysyp, oqý-jattyǵý barysymen tanysty.

Vedomstvo basshysyna De­sant­tyq-shabýyldaýshy ásker­ler qolbasshysy general-maıor Qa­nysh Ábýbákirov jaýyn­ger­lik atys kezinde tútin men búr­keme­leýdiń qoldanylýyna jáne soq­qy beretin drondarǵa baqylaý júr­gizilip jatqandyǵy jaıynda baıan­dady. Keıingi jyldardaǵy qarý­­ly qaqtyǵystardy muqııat zer­de­leýdiń nátıjesinde desanttyq-sha­býyl­daýshy áskerlerde jasalǵan bul ádis­ter jaýyngerlik daıyndyqty edáýir arttyryp qana qoımaı, jeke quram arasynda úlken shyǵyndardy boldyrmaýǵa da múmkindik beredi.

Jumys sapary barysynda general-leıtenant Nurlan Ermekbaev «Arys­tan» mamandandyrylǵan lı­­seıinde erlik jáne patrıotızm sabaǵyn ótkizdi. Qorǵanys mınıstri árbir azamat óz eliniń patrıoty bolýy úshin áskerı mamandyqty tańdaýdyń mańyzdylyǵy, Qazaqstan Qarýly Kúshterin damytý­dyń strategııalyq baǵyttary, zamanaýı qarý-jaraq pen áskerı tehnıkanyń túrleri jóninde áńgimeledi. Arystan­dyqtarǵa arnalǵan sabaq josparynda el áskeri, onyń min­detteri jáne mem­leke­timizdiń táýel­sizdigi men aýmaqtyq tutas­­ty­ǵyn qor­ǵaýdaǵy róli týraly mýl­tı­­me­dııa­­lyq ádistemelik materıaldar kór­setil­di.

– El Qarýly Kúshteriniń qazirgi kelbeti XXI ǵasyrdaǵy áskerge qoıy­la­tyn talaptarǵa saı. Áskerı maman­dyq áskerı qyzmetshilerden naqty, gýma­nıtarlyq, jaratylystaný ǵylym­dary boıynsha tereń bilim alýdy, son­daı-aq myqty dene daıarlyǵyn talap ete­di. Mamandandyrylǵan lıseıdi bitir­gennen keıin osy salaǵa sáıkes Qor­ǵanys mınıstrliginiń joǵary oqý oryndaryna túse alasyzdar. Esterińizde bolsyn, Otandy qorǵaý árqashan joǵary azamattyq erlik bolyp sanalady. Sizder eldiń taǵdyry, onyń bolashaqta damýy men órkendeýi jolyndaǵy ja­ýap­kershilikti óz moınyna alatyn jańa býynsyzdar, – dedi Nurlan Ermek­baev.

Radıoelektronıka jáne baılanys áskerı-ınjenerlik ınstıtýtyna jumys sapary barysynda Qorǵanys mınıstrine ınstıtýt bastyǵy general-maıor Asqar Mustabekov oqý úderisiniń sanıtarlyq-epıdemııalyq shekteýler jaǵdaıynda uıymdas­ty­rylýy, oqý-materıaldyq bazanyń jaı-kúıi, oqý baǵdarlamalarynyń iske asyrylýy jaıynda aıtty. Nurlan Er­mekbaev jattyǵý keshenderine, oqý quraldary men qarý-jaraq úlgilerine, oqý-ádistemelik kabınetterdiń, ka­fe­dralardyń, zerthanalardyń jab­dyqtalýyna nazar aýdaryp, oqý pro­sesiniń mazmunyn udaıy jetildirip, áskerı kadrlardy daıarlaý sapasyn art­tyrý qajettigin atap ótti.

Sońǵy jańalyqtar

Áýlıe ata hám uly jyraý

Rýhanııat • Búgin, 23:01

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar