• 15 Jeltoqsan, 2013

Taǵy bir avıareıs

296 ret

kórsetildi

2 mın

oqý úshin

Egemen Qazaqstan

Keshe Kókshetaý áýejaıynda «Transaero» áýe kompanııasynyń alǵashqy Kókshetaý – Máskeý halyqaralyq reısi jasaldy. Bul oqıǵa qalalyq áýejaıdyń «KTZ Express» kóliktik-logıstıkalyq kompanııasyna senimdi basqarýǵa ótýine baılanysty júzege asyryldy.

2013 jylǵy mamyrdyń 8-inde oblys ortalyǵynyń áýejaıy kóliktik-logıstıkalyq kompanııanyń qaraýyna ótip, sodan beri Azamattyq avıasııa komıtetimen birlesken túrde memlekettik qabyldaý ótkizip, oǵan halyqaralyq mártebe berildi. 2013 jylǵy qazannyń 19-ynda Qazaqstan Respýblıkasy Úkimetiniń sheshimimen joǵary talaptarǵa saı keletin áýejaıǵa halyqaralyq mártebe berý týraly sheshim qabyldandy.

Sonymen qatar, «KTZ Express» kompanııasy «Transaero» áýe kompanııasymen kelisimshart negizinde halyqaralyq reısterdi oryndaýǵa ýaǵdalastyqqa qol jetkizdi. Sonyń nátıjesinde Kokshetaý – MáskeýMáskeý – Kókshetaý turaqty áýe baǵyty kestege engizildi. Alǵashqy reıs Qazaqstan Respýblıkasynyń Táýelsizdik kúni merekesine sáıkes keldi.

Bul halyqaralyq reıs Boıng 737-700 ushaǵymen aptasyna eki ret júzege asyrylady. Onda 8 bıznes-klass, 120 ekonom-klass oryndary bar. Kókshetaýdan tańǵy 6.20-da shyqsa, 2 saǵat 30 mınýtta Reseı Astanasynyń Vnýkovo áýejaıyna taban tireıdi. Reıstiń eki baǵytyna da bir baǵa – 40 myń teńge belgilengen. Alǵashqy reıske 20 jolaýshy bılet aldy. Oǵan «Transaero» áýe kompanııasynyń ushý otrıady komandıriniń orynbasary qatysady. Bıylǵy mamyr-qazan aralyǵynda áýejaıdyń ushý-qoný jolaǵy uzartyldy. Jolaýshylardyń ushaqqa otyrýyna jaıly jaǵdaı jasaldy. Jobanyń Kókshetaý qalasy men Aqmola oblysy turǵyndarynyń jedel qatynaýyna jaǵdaı jasap, áýejaıdyń kirisi molaıýyna, ekonomıkasy damyp, týrızmniń qalyptasýyna yqpal etedi.

«KTZ Express» pen Kókshetaý halyqaralyq áýejaıy kelesi jyldan bastap Omby – Antalııa halyqaralyq reısin qolǵa almaq. Sóıtip, el aýmaǵy ǵana emes, kórshiles memleketter arqyly da ushý aıasyn keńite túsý josparlary bar.

«Egemen-aqparat».