Memleketimizdiń ulyq merekesi – Táýelsizdik kúni qarsańynda Májiliste memlekettik marapattardy tapsyrý rásimi ótti, dep habarlady osy palatanyń baspasóz qyzmeti.
Memleketimizdiń ulyq merekesi – Táýelsizdik kúni qarsańynda Májiliste memlekettik marapattardy tapsyrý rásimi ótti, dep habarlady osy palatanyń baspasóz qyzmeti.
Elbasynyń Jarlyǵynda atap kórsetilgendeı, memlekettik jáne qoǵamdyq qyzmettegi eńbekteri úshin, áleýmettik-ekonomıkalyq salany, rýhanııatty damytýǵa, halyqtar arasyndaǵy dostyq pen birlikti nyǵaıtýǵa qosqan úlesteri úshin: II dárejeli «Barys» ordenimen Májilis depýtaty Darıǵa Nazarbaeva, «Parasat» ordenimen Ersultan Bekturǵanov, Meıram Pishembaev jáne Muhtar Tinikeev, sonymen birge, «Qurmet» ordenimen Májilistiń aýdarma jáne redaksııalaý bóliminiń jetekshisi Dáýitáli Omashuly marapattaldy.
Al «Eren eńbegi úshin» medaline Galına Baımahanova, Túlesh Kenjın, Zýhra Saıapova, Almas Tortaev jáne apparat qyzmetkerleri Hýlımat Áýbákirova men Balhııa Dáýletov ıe boldy.
Sondaı-aq, Májilistiń birqatar úzdik qyzmetkerleri Qazaqstan Respýblıkasynyń Qurmet gramotasymen atap ótildi.
Memlekettik marapattardy tapsyrý rásimi barysynda Májilis Tóraǵasy Nurlan Nyǵmatýlınniń atap ótkenindeı, elimizdiń osy kúnge deıin jetken jetistikteri, eń aldymen, Elbasy Nursultan Nazarbaevtyń atymen jáne eren eńbegimen baılanysty. Sondaı-aq, Prezıdenttiń Qazaqstandaǵy parlamentarızmdi qalyptastyrý men damytý jolyndaǵy róli de óte zor.
– Búgingi kúni kóppartııaly Parlamenttiń jumysy, eń aldymen, Elbasy strategııasyn tabysty oryndaý úshin zańnamalyq qamtamasyz etýge baǵyttalǵan, – dedi Nurlan Nyǵmatýlın.
Jınalǵandar Elbasyna alǵys-tilekterin arnap, Qazaqstannyń Táýelsizdigin tuǵyrly etý jolynda aıanbaı eńbek ete beretinderin jetkizdi.
