Medısına • 25 Qańtar, 2021

Otandyq neırohırýrgtar tuńǵysh ret "Cerebra” ınnovasııalyq baǵdarlamasymen ota jasady

179 ret kórsetildi

TMD jáne Qazaqstan boıynsha tuńǵysh ret Almaty qalalyq N7 klınıkalyq aýrýhanasynda jasandy ıntellekt kómegimen ınsýltty erte anyqtaýdyń radıologııalyq baǵdarlamasy engizildi. Bul anyqtaý júıesi «Cerebra» jasandy ıntellekt negizinde júzege asady. Aldymen pasıent KT-tekserýden ótedi, onyń túsirilimin ınnovasııalyq soft júıesi skanerleıdi. 

Almaty qalalyq №7 klınıkalyq aýrýhanasynyń bas dárigeri, professor Manas Ramazanovtyń aıtýynsha, almatylyq jas IT-mamandardyń jasap shyǵarǵan jańa jobasyn alǵash bolyp dál osy aýrýhana engizdi. Ázirge júıe pılottyq rejımde isteıdi, alaıda óziniń tıimdiligin kórsetip te úlgerdi. Jasandy ıntellekt kómegi tıgen alǵashqy pasıent te bar.

Almaty qalalyq №7 klınıkalyq aýrýhanasynyń Qan-tamyrlary neırohırýrgııasy bólimshesiniń dárigerleri ıshemııalyq ınsýlt alǵan 71 jastaǵy pasıentke jasandy ıntellekt kómegimen birinshi operasııa jasady. Pasıent atalǵan aýrýhananyń qabyldaý bólimine sol jaq denesi múldem qımylsyz, betinde assımetrııamen, jáne qulaǵy esh estimeıtin jaǵdaıda túsken edi. Tez arada kompıýterlik tomografııa jasalyp, «Cerebra» júıesinde óńdeldi. Shuǵyl túrde bas mıynyń oń jaq ortańǵy arterııasyna mehanıkalyq tromboekstraksııa jasaldy. Operasııadan keıin pasıent esin jıyp, eki aıaǵyn teń basatyn deńgeıge jetti, tek qolynda álsizdik bar. Pasıent endi ońaltý em-sharasyn qabyldamaq. Qan-tamyrlary neırohırýrgııasy bólimshesiniń meńgerýshisi Raýan Qasteı ınsýlt kezinde mıdaǵy qan aınalymyn, aǵza jumysyn qalpyna keltirý bastapqy "altyn ýaqyt" sanalatyn 4,5 saǵatta ǵana múmkin ekenin aıtady. Avtomattandyrylǵan platforma ınsýlttyń bar-joǵyn 5-10 mınýtta anyqtap beredi jáne tez arada bas mıynyń qan tamyrlaryndaǵy ózgeristi kórsetedi. Bul klınıkalyq-dıagnostıkalyq baǵdarlama ınsýltty erte deńgeıde anyqtap, birden ıshemııaǵa ushyraǵan aımaqty bilýge, ýaqytynda emdeýdi bastaýǵa, operasııa jasaýǵa qarsy kórsetilimniń bar-joǵyn anyqtaýǵa, nemese trombolıtıkalyq terapııa jáne ınsýltpen túsken pasıentke qajetti anyqtaý men emdeý sharalaryn atqarýǵa múmkindik beredi.

a

Aıta keteıik, osy jyldyń 22 qańtar kúni QR sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Almaty qalasyna jumys sapary kezinde Almaty qalalyq N7 klınıkalyq aýrýhanasyna kelgen edi. Mınıstrge «Cerebra» baǵdarlamasy tanystyryldy. Jýrnalısterge bergen suhbatynda B.Mýsın ásirese medısına salasynda mundaı jobalardyń mańyzdylyǵyn jáne jasandy ıntellekt negizinde ony ary qaraı damytý qajettigin atap ótti. Jaqyn arada «Cerebra» jobasy Almaty men Nur-Sultan qalalarynyń basqa da iri klınıkalarynda engizý josparlanyp otyr.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar