Pavlodarlyq jas jigit anasynyń emdelýine aqsha aýdarýdy ótingen. Kóbine aldanyp qalǵandardyń basym kópshiligi qyzdar bolǵan. Polısııanyń málimetinshe, sot oǵan qatysty 3,6 jylǵa bas bostandyǵynan aıyrý jáne 100 saǵat májbúrli eńbekke tartý týraly úkim shyǵarǵan.
Qylmystyq is materıaldary boıynsha jas jigit Instagram jelisindegi paraqshasynda óziniń Reseıde ekenin, al naýqas anasy Ekibastuzda turatynyn jáne oǵan emdelý úshin shuǵyl aqsha keregin habarlaǵan.
«Alaıaq Instagram jelisinde jalǵan paraqshalar ashyp, negizinen, qyzdarmen tanysqan. Keıin anasynyń emdelýine aqsha aýdarýdy ótinip, qyzdardan bank shottarynyń derektemelerin jáne jeke derekterin berýdi suraǵan. Alynǵan málimetter boıynsha onlaın-nesıe resimdegen», dedi Pavlodar oblysy polısııa departamenti bastyǵynyń orynbasary Eldar Ábdikenov.
Polısııanyń málimetinshe, Pavlodar turǵyny 92 qazaqstandyqty aldaǵan.
